^

Banat Opinyon

Sa dihang imong itandi

ANG DIOS MIINGON - Reynaldo T. Cui - Banat

Pagpamalandong matag Domingo

Marso 31, 2019: Ikaupat nga Domingo sa kwaresma

MGA PAGBASA:  Jos. 5;9a-10-12/Sal. 34/2 Cor. 5;17-21/Lk. 15;1-3,11-32

Lisud na kun maghisgot kita og inheritance. Nahinumdom nuon ko nga dunay gamay nga kabilin ang akong apohan didto sa Mindanao apan sa mga anak nga way hago gikagubtan. Kay lagi mosugot ka o sa dili dunay mga tawo nga puno sa paniguro dili alang sa kaayohan sa kinabag-an kondili sa ilang kaugalingon lamang.

Kini ang nahitabo sa manghod nga anak sa atong ebanghelyo. Kun buot hunahunaon dili niya katungod ang pagpangayo sa iyang bahin. Kay sama ra nga moingon siya nga kamatay na lang tay aron makuha nako ang akong bahin. Kay kaniadto dili man mahimong bahinon ang kabtangan labina kon buhi pa ang amahan ug labaw sa tanan human nimo makuha ang imong bahin dili ka mahimong mobiya sa imong dapit kay sama ra nga imong gikalimtan ang imong gigikanan.

Sala kini nga mahimong modala kanimo sa kamatayon. Mao nga ang amahan sa dihang nakita niya ang iyang anak nga mausikon nga nibalik kaniya iya gyud dayon kining gisugat nagpahikay siya alang sa Social Reconciliation aron iyang mamantala ang pahibalo nga gipasaylo niya ang iyang anak mao nga dili siya mahimong pasipad-an ni bisan kinsa.

Ang anak nga magulang nasuko ug nagdumili pagsulod kini tungod kay gitandi niya ang iyang kaugalingon ning iyang manghod nga masupilon. Malisud alang niya ang pagdawat ning kalamboan.   Apan bisan pa ning maong  amahan matinud-anon sa gihapon nga mihatag sa iyang panahon ug pasaylo alang sa iyang mga anak. 

Unfair gyud ang kinabuhi ug mao na ang matuod. Bisan unsaon pa nimo og lihok anaay gipanalanginan ug anaay mga tinunglo. Dunay mga pinangga dunay mga gipanghimaraot. Ning puntoha ang best solution mao ang pagdawat ning maong kamatuoran mao nga dili maayong  motandi sa kaugalingon ngadto sa uban.

Paghimo og maayo agig hustisya sa bugtong maayo sa kinabuhi nga ikaw buhi pa ug wala mamatay ning kalibutan sa pagbangotan.  Ug angayan lamang nga ikaw mopasaylo dili tungod sa tawong nakasala nimo kondili sa imong kaugalingon aron ikaw mamahimong gawasnon. May rason ang maguwang anak sa maong pagsupil gumikan sa gipakita sa iyang amahan ngadto sa iyang manghod apan ang amahan may bug-at nga rason kun nganong iyang pasayloon ang iyang anak kini tungod kay lagi siya amahan ug ang gugma maoy nagtukmod kaniya. 

Ug kun ang amahan nahimong nagmalinawon gumikan sa iyang gihimong pagpasaylo kita pud tingali mahikatulog sa kalinaw kun kita maantigong molabay sa mga bagahe sa kaligutgot ug atong bawonon ang lab-as nga handurawan sa kinabuhing madagayaon.

HOMILY

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with