Hospital dili makapanghunaw
LABTIK - Alan Domingo (Banat) - January 11, 2019 - 12:00am

Pastilan dili lang diay usa ka putos nga mga hazardous hospital waste ang naka contaminate sa kadagatan sa Lapu-Lapu City, daghan man diay diin dili mominus upat ka barangay na sa naasoy’ng syudad ang apektado.

Posibleng aduna pay mga coastal area nga naa usay naanod nga mga hugaw gikan sa mga pribadong tambalanan sa Mandaue City.

Sa pagbuto niining maong problema miaksyon dayon ang kagamhanang lokal sa Lapu-Lapu pinaagi sa pagduso na sa ilang notice to explain sa mga tambalanan.

Ang kagamhanan sa Mandaue angayan usab nga mohimo og kongkretong aksyon mahitungod niining problemaha tungod kay sa ilang syudad man nanukad ang mga tambalanan nga naglabay sa hospital waste.

Kining problemaha dili lang isyu sa Lapu-Lapu tungod kay nakapusta niini ang isyu sa kalikopan ug panglawas sa katawhan. Dili ka kompyansahan ang mga toxic ug kagaw nga dala niining mga basura gikan sa mga tambalanan.

Dili man moepekto dayon sa mga tawo apan mas delikado kay long term man ang balatian ang makuha gikan niini.

Sama nalang sa mga makatakod nga balatian sa tubercolosis gikan sa nagtipun-og nga mga grapa nga gisudlan sa mga sputom o luwa sa mga tawong dunay tb.

Gawas niana mas grabe kun HIV ang dala nianang mga dugo nga naa sa basura nga nasagol na sa dagat miadto sa mga kinhason o isda o ba kaha mainom sa mga tawong maligo.

Ingon niini ang posibling mahitabo nga mas delikado kay dili naman unya makapaningil ang mga mabiktima ilabi na kon ma-detect ang sakit inig ka hilom na niining isyuha.

Karon pa lang mohimo na unta daan ang mga hingtungdang ahensya sa kagamhanan aron mapugngan ang posibleng krisis sa panglawas nga mahiaguman.

Dili lang ang LGU sa Lapu-Lapu ang mangugat sa pag gukod sa responsableng naglabay sa basura kon dili apil na ang DENR, ug DOH.

Dako man gani to ang isyu sa Boracay nga human waste ra ang giatubang, kini pa nga labaw pa sa kagaw sa hugaw sa tawo kay mga balatian gyud ang siguradong makuha sa mga tawong maapektohan sa water contamination.

Busa mas angayan nga gukdon gyud ang responsable niining maong tinonto, apil na ang hospital kay dili sila makapanghunaw.

HOSPITAL WASTE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with