^

Banat Opinyon

EDITORYAL - Tentasyon sa drugas

Banat
EDITORYAL - Tentasyon  sa drugas

Sagunson karon ang balita sa mga operasyon batok ilegal nga drugas dinhi sa Sugbo nga diin niresulta sa pagkamatay sa mga drug suspects ug minilyon ka pesos usab nga kinilong shabu ang nangasakmit.

Makaalarma kaayo kining maong mga panghitabo tungod kay nagpakita nga nagpadayon gyud gihapon kining negosyo sa ilegal nga drugas bisan pa sa gipangusgang kampanya sa gobiyerno subay sa mando ni Pres. Duterte.

Gawas sa kadaghan na sa mga nangadakpan, daghan na usab ang mga nangamatay sa operasyon sa mga polis, kadtong mga giingong manukol ug dili gustong padakop og buhi.

Gipakita usab ang yawan-ong pangdani sa ilegal nga drugas ngadto sa mga tawo nga namaligya niini karon. Dagko og kitaon nga kwarta mao nga giisip na kini sa uban nga makaluwas sa ilang kakabus ug mausab ang estado sa ilang kinabuhi ug sa ilang pamilya.

Apan dili man kini maoy tinuod nga gidangatan sa kadaghanan sa mga namaligya. Daghan na ang nangapriso ug kasagaran mga gagmay nga drug pushers.

Adunay uban bag-o pang nisulod sa maong negosyo kay nadani sa tentasyon ug paspas nga pangwarta ug wala magtan-aw sa ilang dangatan.

Lahi ra ba gyud kaayo kay ang mga gagmay nga drug pushers ug drug users nga napriso kun itandi sa kabutang karon sa mga bigtime druglords nga buhi pa ug nangapriso.

Kay sumala pa sa kapolisan nagpadayon gihapon kining mga bigtime drug pushers sa ilang negosyo sa gawas bisan naa sila sa prisohan. Nagpasabot nga padayon gihapon ilang negosyo ug pangwarta.

Apan kining mga uyamot nga drug pushers ug drug users sa prisohan, gawas nga wa nay kwarta , limitado sa huot nga espasyo ang ilang paglihok.

Sama ra og gitonto sa mga sindikato ang mga otoridad kay bisan nangapriso na padayon gihapon sila sa ilang negosyo.

Gwardiyado na, libre pa gyud ang ilang pagkaon diha sa prisohan ug ang alkanse mao ang gobiyerno.

ILEGAL NGA DRUGAS

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with