Simple apan kinamaayohang diyeta (1)
MGA HIMSOG NGA KASAYURAN - Pons Abatayo (Banat) - November 20, 2018 - 12:00am

Hangtud ning panahona, padayon pa nga gidiskubre sa mga eksperto, ang laktud nga pagdiyeta nga simple ug sayon ra nga maabot ngadto sa mga ordinaryong tawo, nga unta maoy mahimo nilang sagupon kon duna pay lain nga  molabaw pa sa naandang labing maayo nga istilo sa pagdiyeta.

Busa padayon sab kita sa pagpaniid sa kalamboan nga may kalimbigitan sa kahimsog sa panglawas

Sa karon, daghan na kita og kapilian nga istilo sa  diyeta nga gipraktis na gikan sa taas nga hut-ong sa mga tawong metikuloso sa maayong panglawas.

Tingali wala kaayo kita makadungog niining ginganlan og ‘DASH diet’. Sumala pa sa mga doktor, usa ni sa labing maayo diyeta sa tibuok kalibutan. Kay naapil kini sa talaan ang simpleng ‘DASH diet’, isip usa sa nag-unang labing maayong diyeta.

Sa mga eksperto sa ‘National Institute of Health’, ang ‘DASH diet’, miiskor og 3.3 ka puntos sa han-ay sa matag lima sa epektibong pagpakunhod sa timbang nga kategoriya, ug sa 4.5 nga puntos sa kategoriya sa maayong panglawas. Mao nga giendorsar nila kini nga usa sa kinamaayohan nga diyeta.

Ang ‘Bright Side’ maoy nakautingkay niini, nga gipaambit kanato aron sab kapahimuslan kini nga giisip nga talagsaon ang ka-epektibo sa pagdiyeta ini. Unsa man gayud kining ‘DASH’ – gikan sa acronym nga Dietary Approaches to Stop Hypertension.

Gitumong kini nga tinuyo alang sa pagpaus-os sa presyur sa dugo.

Sa pagdiyeta ini, sa unang adlaw pa lang mokalma na ang hayblad, sa ika-2 nga adlaw, medyo moarang-arang na ang pamati mo, ug sa ika-14 ka adlaw, mo-normal na ang lebel sa presyur sa dugo.

Apan karon bag-ohay lang,  naobserbahan nga kining matang sa diyeta makaresolbar sab dili lang sa hayblad kondili makaresolbar sab kini sa tanang isyu o problema sa lawas.

PAGDIYETA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with