Kon nagregla ayaw ni buhata (1)
MGA HIMSOG NGA KASAYURAN - Pons Abatayo (Banat) - November 16, 2018 - 12:00am

Matud pa, suwerte kaayo ang babaye nga ig-abot sa ilang binulan nga regla, nga dili kaayo sila nahasol sa mga gipamati nga di masabot nga kondisyon sa lawas nga ingon sa gimaldisyon sa makamatay nga panakit. Hinuon nagdepende lang kini sa pagkabinuhat isip normal nga babaye.

Apan ang mga eksperto mahitungod niining kondisyona, aduna silay pasidaan  nga panahong nagregla pa, ayaw gayud kining mga butanga buhata tungod kay kalagmitan delikado nga katumbas ra kini nga ingon sa makamatay.

Daghang mga kaso na ang natala niining mao nga kasinatian, sama sa atong tukion karon.

* Kompiyansa nga walay proteksyon – Niini nga panahona nga giregla ka, mas maayo magpuasa una sa pakighilawas, hangtud molurang na ang imong regla.

Apan kon di gyud kapugngan ang biga o di kahimo pagbalibad sa uwag, iseguro nga magbaton og proteksyon hasta na ang imong kapikas  kay tandogonon kaayo ka sa impeksyon gumikan nga luya pa ang kondisyon sa lawas.

* Pagpalta sa tingkaon – Delikado usab sa babaye nga nagregla, nga sama ra sa bag-ong nanganak, daghang motumaw nga mud-on, sama sa giingong nabughat ug uban pang di masabot nga gipamating grabeng kaluyahon o panakit sa lawas.

Kutob mahimo mokaon gyud nga di padaug sa walay gana, aron adunay ikareserba nga enerhiya nga magamit sa paglahutay sa imong pagregla.

* Pisikal nga trabaho  - Gumikan kay nagregla ka pa, nagpasabot kini nga gihukasan ka sa enerhiya ug huyang ang lawas.

Mosamot kini kon dugangan pa sa pakusog o pisikal nga gimbuhaton o trabaho.

Maglabad ang ulo nga morag gibarenahan sa kasakit, unya kasukaon nga mobarag nga kalipongon, unya kon magkalisud mainutil ka nga dili na kalihok.   

 

BUHATA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with