Dili siya buot og pamalikas

Way lingaw mao nga akong gikaykay ang mga libro sa akong estante. Tulo ka mga libro ang akong nakita ug nakapahinumdom kanako sa nanggungis nga katuigan sa akong mga kaagi. Kini naglambigit sa Rogationist Anthology, The Father’s Soul ug ang Forty Declarations.

Akong gibasa ang The Father’s Soul ug tuod man nakita nako didto ang kinaiyang gipakita ni San Hannibal Maria di Francia.

Mao nga daghang mga tawo nga human nila makita ug masinati ang gipakitang taras sa maong pari ang motuyo lang gyud og pamalikas kay lagi sila hatagan og liras bugti sa pagtak-om sa ilang baba.

Sayod ang sulugoon sa Diyos nga giilad lang siya ning mga tawhana apan namasin siya nga tingali diha sa pagsulbad sa sulirang materyal mahatagan og sulbad usab ang sulirang espirituwal.