EDITORYAL – Nagpabaya ang DOLE
Rene U. Borromeo (Banat) - May 1, 2018 - 12:00am

Padayong wala mabadlong ang daghang mga agawon nga mihatag lang og gagmay’ng sweldo sa ilang mga kawani kay ang kadagkoan sa Department of Labor and Employment wala man makatuman sa ilang tahas nga panalipdan ang mga trabahador gikan sa mga mapahimuslanong employers. Karong adlawa, kutob ra gyud ang kagamhanan sa pagsaulog sa Labor Day, apan pakyas sila sa pagpatagamtam sa tukma nga sweldo ug mga benepisyo sa tanang mga kawani nga nangandoy unta nga matabangan sila sa ilang problema sukad pa kaniadto.

Swerte lang kadtong mga kawani, kang kansang mga tag-iya sa ilang kompaniya, naglantaw sa ilang kaayohan ug sa ilang pamilya mao nga gihatagan sila sa tukmang sweldo. Sama sa The Freeman/Banat News nga ang mga kawani gihatagan pa og 14th Month Pay, suplay nga bugas kada buwan, samtang ang uban may budget pa nga transportation ug communication allowance.

Daghang kawani sa mga tindahan dinhi sa dakbayan sa Sugbo wala magdawat sa P367 nga inadlaw’ng suholan base sa minimum wage nga gilatid sa Regional Tripartite Wages and Productivity Board, apan gipasagdan ra sa DOLE ang mga mapahimuslanong agawon nga mipahimulos sa serbisyo sa ilang mga kawani.

Unta, ang kadagkoan sa DOLE mohingusog na sa paghimo og pakisusi sa lainlaing mga trabahoan aron nga kaalagaran na nila ang mga kabus nga mamumuo ug mahatagan na sila sa tukma nga sweldo nga gilatid sa balaod. Dili hinoon ikalimod nga daghan sa mga trabahador nga nasayod nga sila giabusohan sa ilang mga agawon, apan mopiyong lang sa ilang mga mata.

Nabalaka sila nga kon i-report nila ngadto sa DOLE ang pag-abuso sa ilang mga agawon, basin og mosangpot na hinoon nga sila mawad-an og trabaho nga gisaligan sa ilang mga pamilya. Apan kon magpabilin ang inyong pagkatalawan, makuli gayud nga makaangkon kamo sa benepisyo nga gilatid sa balaod nga alang kaninyo.

DEPARTMENT OF LABOR AND EMPLOYMENT
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with