EDITORYAL - Rehistro dili na i-renew
Rene U. Borromeo (Banat) - April 18, 2018 - 12:00am

Mapugos na gyud ang mga motorista nga madakpan sa CITOM traffic enforcers nga bayran ang ilang multahan kay kon dili nila kini himoon, dili sila makapa-renew sa rehistro sa ilang sakyanan sa Land Transportation Office. Nagplano si Mayor Tomas Osmeña nga sugoon niya ang kadagkoan sa CITOM nga makigtambayayong sa LTO bahin sa iyang nahunahunaan.

Bisan og wala pa makatuman ang CITOM sa gisugo kanila sa mayor, si LTO-7 Regional Director Victor Caindec mipadayag na nga pabor kaayo siya niining maong sugyot ni Mayor Osmeña aron nga madisiplina gayud ang mga drayber. Base sa rekord sa CITOM Traffic Violations Bureau, hilabihan kadaghan sa mga motorista nga nadakpan sa mga traffic enforcers nga wala lang magtagad pagbayad sa ilang multahan.

Nagsalig sila kay diha nga gidakop sila sa mga traffic enforcers, wala man sakmita ang ilang lisensya. Ang mga traffic enforcers dili makasakmit sa lisensya sa mga drayber kon wala sila’y Temporary Operators Permit (TOP) nga giisyu gikan sa LTO. Walay giisyuhan og TOP sa mga CITOM enforcers kay pulos sila mga kaswal nga kawani.

Nindot kaayo ang gibutyag ni Caindec nga suportahan niya ang tinguha ni Mayor Osmeña, ug ang himoon sa CITOM mao ra ang paghatag sa LTO og lista sa mga drayber nga wala mobayad sa ilang multahanan, ug ang kamatuoran nga sila giisyuhan og mga traffic violation tickets. Bisan si Mayor Osmeña mitug-an nga dunay usa niya ka dumadapig nga nagplano karon paglansar pagka kapitan, dunay pending nga multahanan sa iyang gipanag-iya nga PUJ nga moabot og P400 mil. Kon hingpit na nga ipatuman kining tinguha ni Mayor Osmeña, sigurado na nga ang mga abusado nga motorista, magkinto na sa pagmaneho sa ilang mga sakyanan dinhi sa dakbayan sa Sugbo. Apan labi na gyud unta kon ang LTO moisyu na og TOP sa mga traffic enforcers.

REHISTRO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with