Kon dili mag-BRT, unsa may maayo?
TIKDOL SA PURDOY - John Rey Saavedra (Banat) - April 16, 2018 - 12:00am

Dili na kinahanglang debatehan pa ang BRT project kon makasulbad ba, o dili sa suliran sa trapiko dinhi sa Metro Cebu. Sumala pa sa Editorial sa The Freeman niadtong Sabado nga wala’y laing gikinahanglan aron mahibaw-an kon sulbad ba, o dili sa suliran sa trapiko ang BRT, gawas sa duha nato ka mata.

Makadaghan nahunong ang BRT project. Kaniadto pa untang 2014 masugdan ang pagpanukod sa mga inprastraktura nga gikinahanglan niini. Apan nganong hangtud karon wala pa man kini masugdi?

Ang pagsige og panghagit ni Mayor Tomas Osmeña og debate sa presidential assistant sa Kabisay-an, Mike Dino, dili makatabang pagpasabot sa mga tawo unsa gyud kining BRT.

Adunay mga balido nga pangutana nga hangtud karon wala matubag sa mayor. Usa niini kon magsilbe ba kini sa Cebu nga gagmay man kaayo ang atong mga karsada. Ikaduha, ang gidaghanon sa mga BRT buses makakaya ba kini sa kapasidad nga kinahanglanon sa pagbiyahe sa nagkadaghang pasahero? Ang isyu kalabot sa passengers per hour, per direction, kun pasahero kada oras, kada direksiyon mahimo ba bisan sa kadaghang eskina sa giproponer nga BRT route gikan sa Bulacao paingon sa Talamban?

Pananglit kuhaon ang usa ka lane sa mga karsadang daganan sa BRT, unsa’y mahitabo sa mga pribado ug mga pampublikong sakyanan sa nahibiling usa o duha na lang ka lanes nga karon naghuot naman gani ang trapiko nga wala pa ning proyektoha?

Hangtud karon nagpaabot ko og tubag mahitungod niini. Adunay wala ko makaila nga misulod sa akong post sa Facebook nga miingon nga ang BRT para sa masa, busa mag-antos ang mga tag-iya og pribadong sakyanan kon ma-trapik. Na hala, sige! Ang nahibudngan lang nako nganong wala man gyu’y pagpasabot ang mayor aron matubag ang maong mga pangutana?

Pananglit madayon ang pagpakanselar niini, mabasol usab ang mayor kay wala man siya makapasabot sa maong mga pangutana. Basin tingali og hasta ang mayor, dili sold out sa BRT project ug nakakita na kini nga usa ka dakong kalbaryo kon mapatuman.

Pananglit makanselar, siyempre makapanghunaw ang mayor kay dili man siya ang nagpakanselar. Ang iyang bahad nga mosumbong sa World Bank kay wala respetohi sa kagamhanang nasyonal ang kontrata, maayong ikunsulta una niya kini sa iyang abogado. Sa pagkatinuod, ang siyudad sa Sugbo usa ka beneficiary sa BRT project.

Ang national government, pinaagi sa Department of Finance, maoy partido sa kasabutan uban sa mga foreign funders. So, unsa may legal personality sa mayor kon mosumbong siya sa World Bank? Pero, kon ipakanselar ni Dino ang BRT, kinahanglang makapresentar siya og alternatibo nga mass transport system. Ikaw Dino, aron dili ka masawayan sa mga tawo sa pagpakanselar nimo sa BRT, maayong mopresentar ka og alternatibo.

 

BRT
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with