Malampuson

It was a big success.  Mao kini ang paghulagway ug atong matawag nga appraisal sa over all nga kasaulogan sa 2018 Fiesta Señor, gikan sa tanang religious nga kalihokan hangtud na sa Sinulog Grand Parade. Kini taliwa sa hulga sa panahon. Diha’y pag-uwan-uwan, apan wala kadto makaluya sa kadasig ug fervor sa mga namiyestahay ug mga devotee ni Santo Niño.

Sa tanang nagpaluyo sa kasaulogan, mga organizer sa nagkalainlaing kalihokan, ang nag-secure  sa kahapsay ug kalinaw – ang kapolisan ug kasundalohan, mga volunteers, mga Sinulog dancers, ang media – kaninyong tanan, daghang salamat ug congratulations.

Hinaot nga ang kasaulogan nakapalig-on sa atong pagtoo ug devotion ngadto sa Balaang Bata, otherwise mabaliwala, ug ma-wala’y bili ang relevance sa kasaulogan.

Ug atong nakita nga milampos ang tinguha ni Mayor Tomas Osmeña nga mahapsay ug magmalinawon ang kasaulogan.

* * *

Ang Management Association of the Philippines (MAP) gipangayoan sa ilang baruganan bahin sa gilaraw nga Charter Change, niining mosunod nga mga concerns o mga pangutana:

1.) May panginahanglan nga amendahon ang Konstitusyon?

2.) Kon gikinahanglan man, unsang bahin niini ang angay’ng usbon?

3.) Ang paghimo’g kausaban sa Konstitusyon ipaagi ba sa Constitutional Convention (Con-Con) o sa Constitutional Assembly (Con-Ass)?

4.) Kon ipaagi sa Con-Ass, ang Senado ug ang Lower House mobotar ba separately o jointly?

5.) Makabuot ba ang Kongreso pag-limit unya sa gahum sa Con-Con o Con-Ass?

Alang sa MAP, gikinahanglan ang revision sa Konstitusyon, ilabi na ang mga economic provisions niini nga nakapugong sa ekonomikanhong paglambo sa nasud - ug paglibkas sa mga economic restrictions niini sama sa 60/40 business ownership sa mga langyaw, frangkisa on public utilities, ug sa Filipino first policy provisions.

Uyon ang MAP nga ipaagi sa Con-Ass ang pag-amendar sa Konstitusyon, kay matud pa, mas cost-effective kini kay sa Con-Con. Ug bahin sa pag-convene na unya sa Kongreso into a Con-Ass, atong kutloon ang ilang tubag: “We believe that the framers of the 1987 Constitution intended that the two – the House of Representatives and the Senate should separately and independently – not jointly.”

Ug maoy pagtuo sa MAP nga ang Kongreso maka-limit sa gahum sa Con-Ass, aron nga kini dili kaabusahan. Ingon man, ang Philippine Business Group miuyon sa baruganan sa MAP, gawas sa pag-shift into a federal system nga alang kanila, ang appropriate body nga mohimo niini mao ang duly elected nga mo-compose sa Con-Con. Ang business community nagkauyon paghimo’g kausaban sa atong Konstitusyon, particularly on its economic provisions OK kaayo.