Labella vs Osmeña
TIKDOL SA PORDOY - John Rey Saavedra (Banat) - January 19, 2018 - 12:00am

Nagkaklaro na nga si Bise Mayor Edgardo Labella maoy iparang sa PDP-Laban batok kang Mayor Tomas Osmeña. Kini human nakapanumpa si Labella niadtong miaging adlaw isip chairman sa PDP-Laban Cebu City Chapter. Si Labella mismo ang mipahibalo sa balita sa The Freeman kahahapon nga “open” siya sa “option” nga modagan pagka-mayor.

Sa mga tigpaniid sa politika, kon karong adlawa ang eleksiyon, posibleng “three-cornered fight” tali nilang Tomas, Labella, ug ni Mike Rama, kay si Rama wala pa gihapon mahuwasi. Ganahan pa gihapon siya nga mosakbang kang Tomas.

Apan sumala pa nga kon duha ka oposisyon ang mosakbang kang Tomas, matunga ang mga tawo sa oposisyon ug mahimo kining sayon nga lakaw alang sa incumbent nga mayor.

Apan layo pa kaayo ang eleksiyon. Nagtuo ko nga ang inpluwensiya ni Presidential Assistant for the Visayas Mike Dino ang matuman alang sa kamada sa PDP-Laban sa siyudad sa Sugbo nga ubos unya sa pangulo ni Labella.

Kay kon unsay mga desisyon ni Dino sa tibuok Sugbo sa sunod nga piniliay, kritikal kini alang sa partido ni Presidente Rodrigo Duterte. Kini ilabi na nga giduso karon ang Federalism isip bag-ong sistema sa panggobiyerno sa nasud, pinaagi sa pag-usab sa Konstitusyon.

Nagtuo ko nga ma-consolidate ra ni Dino ang oposisyon nga ubos unya sa pangamahan sa PDP-Laban. Kon mahitabo kini, mura og magkamuritsing na ang mayor sa sunod nga piniliay. Ilabi na nga sumala pa sa mga libakero sa mga barberohan, ang mga politiko nga nagpabiling sikit sa Liberal Party, sama ni Tomas, mahimong mga makaluluoy kay maoy mabuthan sa kaaligutgot batok sa mga dagkong kabaw nga nagpabiling yellow hangtod ning mga gutloa.

* * *

Aduna nay bag-ong regional director ang Land Transportation Office-7. Kini human itudlo si Vic Caindec nga ihulip ni Alita Pulga. Si Pulga, nga nahimong acting director sukad niadtong miaging tuig, maoy assistant regional director.

Natestingan na ang kahibalo ni Caindec sa balaod-trapiko. Kini human natudlo siyang CITOM executive officer pipila ka tuig na ang nakalabay.

Kon nakahinumdom kamo, kang Caindec kadtong ideya pag-arrange sa parking sa mga sakyanan sa Fuente Osmeña Rotunda nga maoy nakapaluag sa trapiko sa maong lugar.

Nakaseguro ko nga sa tandem nilang Caindec ug Pulga, maka-establisar sila og reporma sa pamalakad sa LTO-7 ug sa mga satellite offices niini lukop rehiyon siete.

Si Caindec usacka negosyante. Busa nagtuo ko nga “corporate” ang dinad-an unya niya sa LTO-7. Estrikto? Aw, mas maayo na aron matul-id ang hiwi ug matul-id og samot ang tul-id na daan.

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with