Kinahanglan ba ang building permit kun magpa-renovate?
Dear Atty. Divine,
Nagpa-renovate ko sa among kitchen ug ako kining gipadak-an ug gipa-concrete. Nagpadayon pa ang renovation, apan giingnan ko sa akong silingan nga kinahanglan kuno ko nga mokuha og building permit. Ang akong pangutana, kun kinahanglan pa ba ko nga mokuha og building permit sa akong gipa-renovate nga kitchen? Unsay mahitabo kun dili ko mokuha og building permit? Daghang salamat. — Lina
Dear Lina,
Base sa National Building Code, kinahanglan gyud nga mokuha og building permit ang si bisan kinsa nga motukod og building, mag-repair, renovate og bisan gani sa pagpaguba ug pagpakural. Busa kanang imong pagpa-renovate sa kitchen, kinahanglan gyud kana nga kuhaan nimo og building permit.
Kun mapakyas ka sa pagtuman niini, mahimong ipahunong sa Office of the Building Official (OBO) ang imong gihimong renovation ug mahimo usab ikaw nga mapasakaan og kaso tungod sa kalapasan sa National Building Code.
Busa mas maayo nga moadto ka sa OBO ug imong i-comply ang mga gikinahanglan alang sa pagkuha og building permit aron kalikayan ang problema. Thanks and God bless! — Atty. Divine
* * *
Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.
- Latest
