^

Banat Opinyon

Kapamilya Run karong Hunyo 12

ARANGKADA - Leo Lastimosa - Banat

Nakabuylo na ang rehistrasyon sa Kapamilya Run nga himuon karong Hunyo 12, 2016, Domingo, sa alas-5 sa kadlawon. Magsugod ug matapos ang tinuig nga lumba sa dagan sa Ayala Terraces sa Ayala Center Cebu. Kabahin ni sa tibuok buwan nga pagsaulog sa ika-21 nga sumad sa pagsibya, pagbalita ug pag-alagad sa DYAB Abante Pa, Bisaya!, ang AM station sa ABS-CBN Corporation sa Sugbo ug Central Visayas.

Makapalista ka na sa labing duol nimo nga registration center: Sa Runnr sa Ayala Center Cebu; o sa Wow Travel and More sa E-Mall; o ba kaha sa ABS-CBN Broadcast Complex sa Jagobiao, Mandaue City.

* * *

Ang pahinungdan sa matigom nga pundo sa Kapamilya Run karong tuiga mao ang labing kabos nga mga pasyente nga nidangop sa DYAB Abante Pa, Bisaya!, TV Patrol Central Visayas, ug Bantay Bata 163 Cebu. Gawas nga maka-ehersisyo uban sa mga sakop sa pamilya ug mga higala makatabang pa gyod sa labing nagkinahanglan nato nga mga Kapamilya.

Naglakip na sa mabulukong Kapamilya Run shirts, race bibs ug painit, ang registration fees sa mosunod nga mga kategoriya: P350 para sa usa ka kilometro nga lakaw o dagan sa tibuok pamilya; P350 para sa tulo ka kilometro nga fun run; P400 para sa unom ka kilometro nga dagan; ug P450 para sa 12 ka kilometro nga lumba.

* * *

Gituyo sa mga tigpasiugda nga ang tibuok kalihokan sa Kapamilya Run karong Hunyo 12 ipahigayon sa sud sa Cebu Business Park (CBP) aron nga gawas nga mas luwas ang mga mangapil di sab sila makahasol sa mga motorista ug mga pasahero nga manimba o may sayong mga lakaw karong Domingo.

Gidasig namong mga ginikanan ug mga anak nga magkuyog pagpanlakaw o pagpanagan sa 1-kilometer category. Ang 3-kilometer category alang sa mao pay pagsugod og dagan. Ang 6-kilometer run molibot sa 50 ka ektarya nga CBP. Ug ang mga managan sa 12-kilometer category molibot og kaduha sa CBP.

* * *

Apil sa mga pasyente nga tabangan sa Kapamilya Run karong tuiga nagkinahanglan og dinaliang operasyon ug mga tambal. Nipasalig ang ilang mga doktor nga di magpabayad sa serbisyo busa ang mga bayranan na lang sa mga tambalanan, mga laboratoryo ug mga tambal ang abagahon sa mga pasyente.

Nagpadayon pang pag-apud-apod sa financial assistance alang sa scholars sa ABS-CBN ug Technical Education and Skills Development Authority (TESDA), nga maoy gipahinungdan sa Kapamilya Run sa niaging tuig, pinaagi sa buhatan ni Dr. Mary Ann G. Roble, presidente sa Cebu Association of Public-Private TVET Institutions, Inc. (CAPPTI), sa Recoletos Industrial and Technological Training Center (RITTC) sa University of San Jose-Recoletos (USJ-R) Basak Campus. Sa dugang detalye, mahimong mo-text sa 09176320576 o motawag sa landline nga 3548405.

[email protected]

 

SORSOGON

AMBUSH

BRGY. ZONE 8

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with
no session for state
no session for code
no session for id_token
no session for user