Ang gisaad nga kalinaw
Mayo 1, 2016: Ikaunom nga Domingo sulod sa tuig
Mga Pagbasa: Buh. 15;1-2,22-29/
Sal. 67/Gip. 21;10-14,22-23/Jn. 14;23-29
Mata’g usa nato ang buot mangita og kalinaw ug buot nato nga mamahimong magmalinawon ug magmalipayon. Apan sa tanto natong pagpangita niini, sa makadaghan nakahimo kita og detour sa atong panaw sa kinabuhi. Nagtuo ta nga kita nalipay apan sa kaulahian atong nasinati ang kahaw-ang ug kakulangan. Apan ang Dios nipasalig nato nga iyang ihatag ang kalinaw nga di mahimong mahatag sa kalibutan ug kining kalinawa mao man ang naghatag kanato og tinud-anay nga katagbawan ug kapaingnan. Makab-ot lamang nato kini kun sa tinuoray nga tinubdan niini kita moangkla ug way lain kondili ang Dios nga atong gikinahanglan sa kanunay kay hawa kaniya wala man kitay mahimo. Kay hawa niya wala man kitay kapaingnan anaa man kaniya ang pan nga naghatag sa kinabuhi matang sa kinabuhi nga atong gipangandoy ug gipangindahay.
- Latest