Unsa ang kaso kun kaduha magminyo?
LEGAL CORNER - Atty. Divine Flores (Banat) - November 28, 2015 - 9:00am

Dear Atty. Divine,

Minyo ko su’d na sa napulo ka tuig. Seaman ang akong bana ug may tulo mi ka anak. Nahibulong ko attorney nga ang akong bana tagdugay na man mopauli nga karon ang kontrata nilang mga seaman dili na man gani maabtan og usa ka tuig. Nagduda gyud ko nga adunay laing pamilya ang akong bana or adunay laing babaye kay dili naman siya excited nga mopauli, sukwahi kaniadto nga kanunay kini motawag ug magpasugat gyud namo sa airport kun siya moabot. Duna ko’y nadunggan nga estorya nga ang akong bana adunay batan-on nga uyab ug plano kuno niini nga pakaslan. Ako siya nga gipangutana ug hugot gyud ang iyang pagpanghimakak. Kun pananglit attorney tinuod nga iyang gipakaslan ang babaye, mahimo ba nako siya nga ikiha lakip na ang babaye? Unsa man nga kaso ang akong ipasaka batok kanila? Unsaon man nako pagsuta kun nagpakasal ba gyud og usab ang akong bana? - Lucy

* * *

Dear Lucy,

Kun imong makumpirmar nga nagpakasal og laing babaye ang imong bana, mahimo nimo siya nga ikiha og Bigamy base sa Article 349 sa Revised Penal Code tungod sa iyang pagpakasal og laing babaye bisan kun nag-exist pa ang inyong kaminyuon. Usa kini ka criminal offense busa mahimo siya nga mapriso kun mapamatud-an. Ang iyang babaye makiha sab og Bigamy isip accomplice. Duna nay desisyon ang Korte Suprema kalabot niana nga ang tawo nga kaduha nagminyo mahimong masilotan isip principal sa kaso nga Bigamy samtang ang iyang gipakaslan mahimo usab nga masilotan isip accomplice. Hinuon kun ang ikaduhang asawa or bana wa masayod nga minyo na diay daan ang tawo nga nagpakasal kaniya mahimo kini niyang magamit nga depensa. Usa sa mga paagi karon pagsuta kun ang imong bana nagpakasal pag-usab mao ang pagkuha og Cenomar sa imong bana sa NSO kay makita man na sa record sa NSO kun ang maong tawo kaduha nagpakasal. Thanks and God Bless. – Atty Divine

* * *

Alang sa inyong pangutana, ipadala lang sa Legal Corner sa Banat News sa V. Gullas St., Cebu City or email sa flores_divina@yahoo.com ug akong tubagon ang inyong pangutana pinaagi sa akong column matag Miyerkules, Sabado ug Domingo.

AKONG ANG ATTY DIVINE BANA BANAT NEWS CEBU CITY DEAR ATTY DEAR LUCY DUNA KUN NGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with