Kun mahimo pa lang pugngan
TINGOG SA KATAWHAN - Javier Y. Tapulado (Banat) - November 5, 2015 - 9:00am

Tuig, 1994. Nagkaila mi ni Juanito V. Jabat, ang kanhi Editor-in-Chief sa The Freeman/Banat News, didto sa iyang karaang opisina diha nga gihatod ko ang una ko nga tampo alang sa maong tabloid nga bag-o pa nga gihimugso niadtong higayona.

Soft spoken si Nits (ang tawag ko niya), mahigalaon, maabi-abihon ug mapahiubsanon.  Gisultihan ko niya unsa ang gikinahanglang materyales sa tabloid ug nadasig ko sa pagsumiter sa matang sa mga dapat nga iyang magamit.

Kada kita namo ni Nits sa iyang buhatan, pirme gyud niyang litukon ang “Sulat Javs, ha, sa imong mga tampo.” Mga simple nga pulong nga naghatag og dugang kinabuhi sa among panagsuod.

Nagkalagyo lang mi diha nga gibalhin ang iyang opisina didto sa bag-ong bilding. Dungan sa pagbalhin, namatikdan ko nga nausab pud ang panagway sa Banat News.

Miguwapa kini’g samot ug hasta pilopiloa ang gidaghanon sa sirkulasyon niini. Gikan sa diyutay nga mobasa, ang mamalit og Banat News, midaghan.

Apan kining maong kalamboan, wala angkona ni Nito.

Gitunol ang dako’ng kalampusan nga nakab-ot sa Banat News ngadto sa kadagkoan sa Philippine Star, kinsa matud pa niya, tungod sa kamaayo nga mangita’g business strategies ug advertisements, ang Banat News karon milutaw pagsamot sa iyang paglawig sa natad sa publikasyon.

Si Nits atua na. Gi-recall na sa Ginoo. Apan ang iyang kabuotan isip tiunay’ng higala, igsuon ug usa ka manggihunahunaong amahan, magpabiling buhi sa tagsatagsa ka kasingkasing nga gitandog sa iyang kaligdong.

Kun kapugngan pa lang ang kamatayon Nits, amo ka gyud nga hawiran. Apan ang Labaw’ng Magbubuhat man ang magbuot kanus-a papaulia ang iyang minahal didto sa Paraiso.

Mao nga kutob na lang kami sa pag-ingon: “Bye, bye, Nits!”

 

ACIRC ANG APAN BANAT NEWS DUNGAN IYANG JUANITO V NGA PHILIPPINE STAR SI NITS SULAT JAVS
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with