EDITORYAL - Asa ang wala masabti ni Sotto?
Edwin Ian Melecio (Banat) - January 22, 2015 - 12:00am

Dili motuo si Senate minority leader Vicente Sotto nga namahayag ang Santo Papa nga dili magpatuyang sama sa mga rabbit ang tawo.

Ang Santo Papa namahayag niini ug gibalita sa tibuok kalibotan sa nagkadaiyang mga media outfits nga accredited sa Vatican nga mikober sa press conference nga gihimo ni Pope Francis samtang luwan sa usa ka abyon pabalik sa Roma gikan sa Pilipinas.

Ngano’ng dili man motuo si Sotto nga namahayag niini ang Santo Papa? Kuwang na lang iyang ingnon nga bakakon ang Santo Papa apan siya nangangkon nga siya usa ka relihiyoso’ng tawo.

Giklaro ni Pope Francis sa iyang pamahayag nga wala magpasabot nga kun gidili sa simbahan ang kontraseptibo o artipisyal nga pamaagi aron di magmabdos nga magsusama na lang sa rabbit.

Nganong rabbit o kuneho? Ang rabbit naila na kaayo nga paspas manganak. Gihimo usab kini’ng simbolo sa usa ka malaw-ay nga basahon ug uban pa’ng mga butang nga may kalambigitan sa pakighilawas.

Sa ubang mga nasud giisip kini nga salot sa mga umahan tungod kay dali’ng modaghan ug mangaon sa mga pananom. Ang pagsabot ni Sotto, inembento ra kuno kadto nga pamahayag sa Santo Papa, basin siya maoy wala makasabot.

Kun buot sabton, ang gi-promote sa Santo Papa mao ang natural family planning nga maoy kaniadto pa gibarugan sa Simbahan.

Gani husto ang gisulti sa Santo Papa, nga iresponsable ang tawo nga magpatuyang og panganak. Sama sa rabbit sa usa ka umahan, kun daghang baba ang mokaon sa pananom, maka-damage na kini sa balanse  sa dapit.    

ANG SANTO PAPA DILI GANI PAPA POPE FRANCIS SANTO SANTO PAPA SOTTO VICENTE SOTTO
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with