^

Banat Opinyon

No smoking

AKO RA NI HA - Banat

Naninguha ang Maasin City didto sa Southern Leyte nga maangkon ang titulo nga “No Smoking Capital of the Philippines,” kini sumala sa report sa Philippine News Agency (PNA) nga napatik sa “EV Mail” sa Ormoc City.

* * *

Nadasig sa pagpaninguha sa pag-angkon sa maong titulo ang Maasin human kini midaug og makatulo ka higayon sa Department of Health Red Orchid Hall of Fame awards tungod sa pag-implementar niini og “100 percent tobacco-free environment” ubos sa World Health Organization.

* * *

Suma pa sa balita gikan sa PNA duna nay mga establisamento sa Maasin City nga napanirhan ubos sa order sa kagamhanan sa siyudad tungod sa pagpamaligya niini og sigarilyo duol (100 meters) sa mga eskuwelahan supak sa ordinansa sa dakbayan.

* * *

Seryoso ang dakbayan sa pagpatuman sa anti-smoking drive niini diin ang mga cigarette advertisement and promotions higpit nga gidili. Bisan ang pagkupot ra gani og cigarette lighter sud sa kampus sa Maasin City College nga gipanag-iya sa dakbayan gibawal.

* * *

Hugtanong gidili ang pagpanigarilyo sa mga eskuwelahan, hospital, mga dapit publiko, ug bisan pa gani sa city jail. Ang dakbayan mitabang sa mga gustong moundang og panigarilyo pinaagi sa pagpatambong kanila sa smoking cessation seminars.

* * *

Daghan nang mga private ug public health organizations ang midayeg sa kagamhanan sa Maasin City tungod sa no-nonsense anti-smoking campaign niini.

* * *

SA LAING BAHIN ... Mangumusta kita sa atong mga magbabasa diha sa Maasin City, Ormoc City ug Tacloban City. Nanghinaut ang Banat News nga maayo ang dagan sa inyong rehabilitation gikan sa dakong kadaut nga nahimo  sa bagyo nga si Yolanda.

vuukle comment

BANAT NEWS

CITY

MAASIN CITY

MAASIN CITY COLLEGE

NO SMOKING CAPITAL OF THE PHILIPPINES

ORMOC CITY

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with