Valentines date
Sugilanon - Fred Fuentes Monternel, Lorega Proper, Cebu City (Banat) - February 14, 2018 - 12:00am

Sa adlaw sa Valentines, nagbagat sila si Pektoy ug Tekla sa Plaza Independencia. Parehas na sila nga mga biyudo ug biyuda ug mga senior citizen nga mitungtong na sa edad nga 70.

Apan hilom silang nagkahigugmaay nga milipang sa kanunay nilang pagtambong sa binulan nga miting sa mga senior citizen sa ilang barangay sa Kalunasan. Bisan dakong supak ang ilang isig ka pamilya apan wala gayud papugong sila si Pektoy ug Tekla.

Angayan kaayo si Pektoy sa gisul-ob niyang long sleeve nga checkered ug giparesan sa itom nga slacks. Ang iyang buhok nga gitina na, hilabihan na sab nga itoma, nga miangay sab sa itom ug sinaw niyang panit sa sapatos. Si Tekla, desente sab kaayo sa gisul-ob niyang bestida nga pangsimba nga giparesan niya ang iyang panit nga sandal nga flat og tikod .

 “Ngiga gyud nato, Tek, uy! Praha man gyud ang gisul-ob nato...!”

“Unsay praha gud, Pek...?”

“Pra haya gud, Tek...!”

Hinay nga gikusnit ni Tekla ang kilid ni Pektoy ug miagik-ik sila’g katawa.

“Sus, tanan nakong mga anak ug apo, supak sa atong relasyon, Pek, uy...!”

“Mao sab bitaw ang tanan kong mga anak ug apo, Tek! Hilas-hilas ug palumaluma lang kuno ta nga mga tigulang na...!”

“He-he-he! Sila bay mahigugma, lalim ba, Pek...!”

“Klaroha baya kon molabok pa ba kas romansa, ha, Tek...?”

“Mosyapol pa ko, Pek, uy! Ikaw basin mora’g luy-ang kuyos na nang imoha!”

“Kuyos gud tatot! Basin baya ang imoha mora’g bunot sa lubi na lang kasapnot, Tek...!”

“Makigdeyt kaha ko nimo kon wa na koy ikaalagad, Pek? Buyag...!”

“Aw, sige, Kumpletuhon ta ning atong Valentines date aron maklaro gyud ang atong  huygo sa romansa, Tek...!”

“Aw, agad ra ko nimo, Pek! Asa man ta...?”

“Aw, tsik-in tas usa ka motel ning adlaw sa gugma, Tek...!”

Ug tagming kaayo ang kinataw-anan sa duha ka wanggits nga nagkahinigugmaay nga abtik nanggawas sa plaza ug nanakay dayon sa giparang taksi.  (Kataposan)

Philstar
Facebook
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with