^

Banat Kalingawan

Nagpakita si San Roque

Sugilanon - Samuel Petallar Agbo - Banat

Adlaw'ng Lunes, Agosto 15 mao ang bisperas sa pista sa  Cordova. Nagkasabot sila si Pablo ug Basilya nga mamista sa Cordova aron mudagkot ug mukuyog sa prosesyon. Nakahukom sila nga sa hapon mangadto kay mopalit sila og kagamitan sa panimalay.

Apan samtang nagpaabot og masakyan, kalit lang may nagdinaganay nga mga tawo sa palibot. Bang! Bang! Nilanog ang buto sa armas sa nanag-away nga mga bandidong tulisan. Naigo sa saag nga bala si Pablo ug gidala sa tambalanan.

Didto sa tambalanan nananghid dayon si Nilda sa iyang inahan nga moadto sa kapilya duol sa tambalanan ug hugot nga nag-ampo sa rebulto ni San Roque. Apan sa kalit lang may kasikas nga nabati si Nilda sa atubangan sa kapilya. Dali niya kining gisusi. Ug nakita niya ang usa ka tawo nga nagsungkod uban sa iro,  padulong sa ward sa iyang amahan. Paglingi pagbalik ni Nilda sa nahimutangan sa rebulto ni San Roque nawala kini uban sa iro.

Daling gibalik sa dalaga ang nahimutangan sa iyang inahan diin gibantayan ang amahan aron balitaan sa hitabo didto sa kapilya nga giampoan. Ug nahipugwat ang dalaga kay diha atubangan sa tambalanan gikasugat niya ang tawo uban sa iyang iro nga nipahiyom kaniya. "Inday, adtoa ang imong amahan luwas na siya. Karon dayon pangadto mo sa pista sa Cordova, pag-ampo sa Labaw'ng Makagagahom ug panagkot mo og kandila!" Matud sa tawo nga dayong lakaw." Daling niadto si Nilda sa nahimutangan sa iyang amahan ug nanglurat ang mga mata sa dalaga kay na ayo na kini.

"Nilda, karon dayon mangadto ta sa pista sa Cordova," ni Pablo. "Nakasabot nako kadtong mihikap sa akong balatian mao si San Roque!" "Tinuod kanang gisulti sa imong amahan Nilda akong nakita sa duha ko nga mga mata ug nahatiurok ko sa akong nahimutangan," ni Basilya.

"Pa, ma, akong gikasugat ang tawo nga inyong nakita nga bag-ohay lang sab nilakaw!" ni Nilda. "Dili mahitabo nga masipyat ko sa akong pagduda nagpakita kanako si San Roque!" (Kataposan)

SUGILANON

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with