^

Banat Kalingawan

Pagpangandam - Gula 139

BIRHEN SA KALAPOKAN - Dro Arts - Banat

 "Tarunga kanang baba mo Diane," matud pa ni Ferdie.

"Di ba mao nay tinuod?" ni Diane pa.

"Inahan mo ang gisultihan mo'g sama ana," matud pa ni Ferdie.

"So kay inahan dili pwede?" matud pa ni Diane nga migawas na gyud ang kamaldita.

"Hatagi'g gamay'ng respito ang imong inahan bisa'g gamay lang," matud pa ni Ferdie.

"Wow  respito what a word ang maong klase sa tawo dili angay hatagan og respito," matud pa ni Diane. Diin ka ba masayud niana? pangutana ni Ferdie sa anaak.

"May pak-pak ang balita may tenga ang lupa," ni Diane pa nga misulimbat na sab ang mata.

"So, nadunggan mo ra diay ang maong kasayuran," matud pa ni Ferdie.

"Yes nadunggan nako dili sa silingan, dili kang lola, labaw nang dili sa laing tawo," matud pa ni Diane.

"Kun mao diin ka masayud?" ni Ferdie.

"Mismo nimo ug sa akong inahan nga may laksot nga kagahapon nagtuo mo nga walay magbantay sa inyong mga lihok?" ni Diane nga mikatawa.

"Ikaw diay ang nagsulti kang mama mahitungod sa kagahapon sa imong inahan?" matud pa ni Ferdie.

"Hmpt! Nagparehas lang mong tanan paabota ang pagsudya ni lola ninyo mga bakakon!" si Diane dayong talikod paingon sa iyang kuwarto.

Samtang si Mylene usab diha na sa apartment nga gipuy-an ni Kyle diha usab si Pia giasoy ni Mylene sa duruha ang pagkasayod na sa iyang lola ug sa iyang amahan mahitungod sa iyang kagahapon. Giasoy usab ni Kyle ang nahitabo didto sa mansiyon maniubra ang tanan ni donya Conchita ug ang nahimong espiya mao si Diane.

"Karon nga nasayod na ang imong mga apohan kalabot sa akong kagahapon Kyle wa nay rason nga magpabilin pa ko sa balay," matud pa ni Mylene sa anak.

"Unsay buot mong  ipasabot ma?" pangutana ni Kyle kang Mylene.

"Sa akong pagka magtutudlo may napundar kong balay ug yuta," ni Mylene pa.

"Nahibawo ba si Daddy niini?" pangutana pa ni Kyle kang Mylene.

"Wala hilom kong mikuha’g yuta sa Santander gipatukoran ko kini'g balay nahuna-huna nako nga kun magkinaunsa may kapuy-an ko," matud pa ni Mylene.

"Buot mo bang ipasabot ma nga makigbuwag ka ni Daddy?" laing pangutana ni Kyle.

"Dili Kyle apan magpalayo ko niya kun gusto ka nga ipadayon ninyong duha ni Pia ang inyong relasyon uban mo nako," matud pa ni Mylene.

"Apan ma'am nasayod ka gyud nga may pamilya ko dili ko mahimong biyaan sila," matud pa ni Pia.

"Kun magpabilin ka dinhi sa siyudad Pia mamiligro ang imong kinabuhi mabuhat ni mama ang unsay gusto niining buhaton. Andam siyang mobayad og dakong kantidad lamang mabuhat niya ang iyang panganti nga papason ka sa kinabuhi ni Kyle," matud pa ni Mylene.

"Pero ma dili sayon alang kang Pia ang pagbiya sa siyudad," matud pa ni Kyle.

"Dad-a ang imong pamilya Pia didto sa probinsiya magpuyo tang malinawon layo sa mga tawong gustong moguba sa imong kinabuhi sa inyong kinabuhi ni Kyle.  Kun tinuod kang nahigugma sa akong anak mouban ka namo. Dad-a ang imong pamilya," desididong pulong ni Mylene.

"Kun mao na dili ta maglangan kinahanglan kang mangandam Pia pasabta ang imong amahan ug mga igsuon. Moundang kana sa imong trabaho ug mouban ka namo ni mama," matud pa ni Kyle. Apan sa panagway sa babaye adunay pagduha-duha nga mobiya nga mouban nila ni Kyle sa probinsiya. (Sumpayan)

Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with