^

Kahoy’ng acacia

WILD ORCHIDS - Cindy Jones (Banat) - July 28, 2014 - 12:00am

Nagkalingaw pagpamati og music si Ben sanglit adlaw man nga Sabado. Sagad g’yud niya nga himuon nga mouli siya sa ilang dapit sa Sibonga matag weekend kay Biyernes ra man kutob ang iyang duty sa munisipyo sa Consolacion.

Human sa maanindot nga awit nga iyang gipamati, mitingog ang Disc Jockey ug gipahibalo sa mga motorista nga adunay nasinati nga grabe’ng traffic sa Carcar tungod sa pagkatumba sa dako’ng punoan sa kahoy’ng Acacia. Kalit lang nga namalik sa iyang kaisipan ang usa ka kaagi nga bag-ohay lang nahitabo kaniya nga naglambigit usab sa pagkatumba sa kahoy’ng Acacia. Wala tuyoa nga nahandom ni Ben si Zeny.

Hapon kadto sa Hulyo 9 karong tuiga, gikaila ni Ben si Zeny. Nagpaingon si Ben dinhi sa dakbayan sa Sugbo luwan sa iyang motorsiklo. Naglumbay ang mga sakyanan sa karsada nga wala na makaagi tungod sa pagkatumba sa punoan sa Acacia didto sa Barangay Balud, San Fernando.

Nasigpatan ni Ben ang usa ka babaye nga nag-inusara nga naglakaw daplin sa karsada. May gikabiba kini nga bag ug sigurado siya nga pasahero kini sa usa sa mga sakyanan nga nabara ug wala na makapadayon sa biyahe.

Mipahinay si Ben sa iyang motor diha nga duol na siya sa babaye. Iya kini nga gipasiplatan. Abtik kaayo ang iyang mga mata nga nakasigpat sa kaanyag sa babaye. Mihunong si Ben ug gitanyagan og backride ang babaye.

“Tana miss, sakay diri kay mora’g gikapoy ka na og lakaw,” giingnan niya ang babaye. Mipahiyom ang babaye apan ingon sa nagpanuko. “Puwede? Sige bi kay kapoy na kaayo ko’g lakaw. Mahadlok man gud ko nga dili maka-trabaho,” matud sa babaye.

Miangkas ang babaye. “Ayaw kahadlok, maayo ko’ng tawo. Ako diay si Ben.” Nagpaila usab ang babaye. “Zeny ang akong ngalan Ben,” matud sa babaye.

Misirit pagpadagan si Ben. “Pareho diay kita nga padulong sa Cebu City. Magkuyog na lang ta kun gusto nimo Zen,” matud ni Ben. (Sumpayan)

BABAYE BARANGAY BALUD BEN CEBU CITY LEFT ZENY
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with