Maria Magdalena
INTIMATE MOMENTS - Rosalie V. (Banat) - June 29, 2013 - 12:00am

Gula 102

Dugay kaayong gibuhian ni Walter ang akong kamot. Hagkot usab kaayo siya’g tinan-awan nako. Mibati na ko’g kaikog kay nagtan-aw ra ba si Daniel kanamo. Miluag ang akong gibati sa dihang gibuhian na niya ang tuo kong kamot.

“Maayo kay wala ka maglisod pagtultol sa among gipuy-an, Partner,” gikan ni Daniel nga si Walter maoy gipakigsultihan.

“Nagpangutana ko didto sa mga driver og tricycle,” tubag ni Walter. “Maayo na lang kay mga buotan ang mga tawo dinhi sa inyo.”

Kay hapit na ang tingpaniudto, gimandoan dayon ko ni Daniel nga ipaandam ang lamesa. Gusto siyang mangaon na kami uban sa among bisita nga suod niyang higala. Milihok dayon ko ug miadto sa kusina.

Sa among pagpangaon, gidayeg pag-ayo ni Walter ang mga pagkaon nga among giandam alang kaniya. Pulos kuno niya paborito ang mga sud-an nga among gihikay.

“Abi ko’g magdala ka’g mga kauban,” matud ni Daniel samtang nagpadayon kami sa pagpangaon. Sa matag karon ug unya motindog ko aron pagsukad og dugang kan-on ug sud-an kun mahurot na ang gidulot sa lamesa.

“Dinha bitaw untay gustong mokuyog,” matud ni Walter ngadto kang Daniel. “Pero akong gilipatlipat. Makasagabal lang sila sa akong lakaw.”

Human sa pagpangaon, didto sila si Daniel ug Walter sa sala. Nagpunay sila’g ipis sa bino nga Fundador samtang nagkalingaw sa pagkulukabildo. -- Sumpayan pa

ABI DANIEL DINHA DUGAY FUNDADOR HAGKOT MAAYO MAKASAGABAL
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with