Balikatan 2026 sa Palawan
CEBU, Philippines — Nagpadayon ang mga kalihokan sa Balikatan Exercises sa nagkadaiyang mga dapit dinhi sa nasud nga gikuyogan sa nagkalain-laing mga kaalyadong mga nasud sa Pilipinas.
Ang Armed Forces of the Philippines (AFP), kauban ang United States Armed Forces, Australian Defence Force, ug New Zealand Defence Force, nagpahigayon og Counter-Landing Live Fire Exercise (CLLFX-West) niadtong Abril 27, 2026 sa Apurawan Beach Landing Site sa Aborlan, Palawan.
Kabahin ni sa Exercise Balikatan 41–2026 nga gilangkuban sa mga sakop sa Philippine Marine Corps’ 3rd Marine Brigade ug mga tropa sa maong mga kaalyadong mga nasud.
Ang senaryo sa exercise mao ang pagdepensa sa kabaybayonan gikan sa amphibious landing sa mga kaaway.
Gipakita sa hiniusang pwersa ang ilang kapabilidad sa pag-detect, paghasi, ug pagpakgang sa mga kaaway nga makadunggo sa baybayon pinaagi sa gilusad nga combined arms fire samtang nagpadulong pa ang mga kaaway gikan sa dagat.
Apil sa gigamit dinhi ang layered, multi-domain defense, gamit ang Philippine Air Force FA-50 fighter jets, ang U.S. nigamit sa ilang High Mobility Artillery Rocket System (HIMARS).
Ug ang kombinasyon sa artillery, mortars, light armored vehicles, anti-armor systems, heavy machine guns, infantry weapons, precision strikes ug reconnaissance.
Si General Romeo S. Brawner Jr, AFP Chief of Staff nitan—aw sa exercise kauban nilang Vice Admiral Alan M Javier, Commander sa Western Command, US Army Major General Thomas Savage, Commander of the U.S. JTF for Exercise Balikatan 2026; ug Rear Admiral Brent DeVore, Commander of the Expeditionary Strike Group THREE, U.S. Navy.
“The Counter-Landing Live Fire Exercise demonstrates our capability to defend our shores through coordinated, combined arms operations in a littoral environment. By integrating fires from land, air, and maritime forces, we are able to detect, engage, and neutralize potential threats approaching from the sea, ensuring that any attempt to breach our coastline is met with a swift and unified response,” matud pa ni Marine Colonel Dennis Hernandez, PH Balikatan 41-2026 Spokesperson. – Gikan sa DyDD AFP Radio Facebook post BANAT NEWS
- Latest
