Tighimo og armas sa Danao tabangan

CEBU, Philippines — Ang lokal nga kagamhanan sa Dakbayan sa Danao nagtinguhang tabangan ang mga manghimoay og mga paltik nga armas aron dili na sila mopadayon niining ilegal nga paagi sa panginabuhi.

Si Danao City  Vice Mayor-elect Carmen Remedios Hotchkiss “Ivy” Durano kauban ang Danao City Police Station ug mga naglain-laing ahensya sa gobyerno nagtinguhang hatagan og sustainable nga panginabuhi ang mga tighimo og armas.

Usa sa pwede nilang trabahoan mao ang pagka forest ranger o mga tig protekta sa kalasangan sa Danao.

Matud ni Durano ubos kini sa gitawag nga Project Trident, ang mga tighimo og armas kinahanglang motahan sa ilang mga ekipo ug kahimanan paghimo og mga armas bugti sa pagtabang kanila.

Gibutyag ni Durano nga duna nay 70 ka mga unang grupo sa mga tighimo og armas nga nitahan sa ilang mga gamit ang gipaubos sa pagbansay aron mahimong forest rangers ug duna say 115 nga mopaubos sab sa susamang training sa ikaduhang batch.Clifford T. Bacon, CNU Intern, IBM BANAT NEWS