PRO-7 nangandam sa Labor Day

CEBU, Philippines — Alerto karong adlawa ang Police Regional Office-7 aron masiguro nga hapsay ug malinawon ang kasaulogan sa adlaw sa mamumuo o labor day ugmang adlawa, Mayo 1.

Matud ni Police Lieutenant Colonel Gerard Ace Pelare, tigpamaba ni Brigadier General Anthony Aberin, director sa PRO-7 nga ipasaka ang alert status sa rehiyon kun dunay mga dagkong kalihukan sa Central Visayas.

Ugmang adlawa, ang nagkalain-laing militanteng grupo magmartsa aron ikapadayag nila ilang mga yangongo sa gobiyerno.

Matud ni Pelare gitahod nila ang katungod sa pagpadayag apan himuon unta kini pinasubay sa balaod.  Kung makita sa kapulisan nga dunay momugna og kasamok dili sila magduha-duha pagsikop sa mga malapason.

Naa hinuoy giandam nga Crowd Dispersal Management unit aron makaresponde kun momugna og kasamot ang mga mag-rally.

Karong adlawa , Labor Day, gipaabot nga magmartsa sa kadalanan ang mga militanteng pundok aron iwadwad ang ilang mga kasagmuyo ngadto sa gobiyerno. IBM BANAT NEWS