^

Banat Balita

Suspek nga minor nitahan

Decemay P.Padilla - Banat

CEBU, Philippines — Mitahan sa iyahang kaugalingon uban sa iyang uyuan diha sa buhatan ni Cebu City Councilor Pastor Alcover Jr. ang usa sa lima nga gitumbok nga responsable sa pagtulis ug pagpatay sa usa ka 16-anyos nga si Jerome Estan niadtong Agosto 6, 2022 sa Barangay Bulacao, siyudad sa Sugbo.

Nagkanayon si Alcover nga nakig-alayon ang 47-anyos nga uyoan sa menor de edad ngadto sa Department of Social Welfare and Services bahin sa pagtagan sa iyang pagumangkon pinaagi sa iyahang opisina.

“Ang DSWS ni-contact sa akong staff para ma-arrange kining iyahang matawag nato og surrender, mao na gitabangan sa DSWS, ni-assist sad akong anak si Jong-jong kay siya ang Peace and Order Program sa City Hall so mao na dia ni siya karon dinhi,” sigon ni Alcover.

Gumikan kay menor de edad man ang suspek wala gipakita ang nawong niini ingon man wala na sab kini gipa-interview sa mga tigbalita apan sigon sa uyuan sa suspetsado nga magusa ka semana na matod pa nga gustong mo-surrender sa iyang pagumangkon apan mahadlok mogawas kay nakuyawan ug nabalaka sa iyang seguridad.

Ang suspetsado naa nagpuyo sa apohan tungod kay ang amahan niini naa sa prisuhan ug ang inahan matod pa duna nay laing kaipon sab.

“Wala siya maka-estorya og grupo-grupo o gang, ang istorya lang naa siya’y amigo, naay mga amiga, naay barkada,” sigon pa sa uyuan sa suspetsado.

Si Jay Abatayo, social worker sa Department of Social Welfare and Services (DSWS) miasoy diha gyud atol sa pagkahitabo sa krimen ang batan-ong nitahan.

Apan sa pangutana kun miapil ba kini sa pagpatay kang Estan didto nalang kini sa korte tukion sanglit nasang-at na sa kapulisan ang kasong robbery with homicide batok sa mga suspek. 

Si Police Lt. Galil Aiza Nacario, hepe sa Women’s and Children Protection (WCPD) sa Cebu City Police Office kinsa diha sab sa pagtahan sa suspetsado miasoy nga nakig-alayon sila sa Police Station 7.

Itugyan nila sa DSWS ug dili sa ginikanan ang suspek hangtod nga molusot ang warrant of arrest gikan sa korte.

Usa nalang ang nagpabilin nga gawasnon nga mao ang maguwang niini nga hangtod karon padayong gipangita.— Rowena Capistrano/IBM (BANATNEWS)

CRIME

Philstar
  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with