^

Banat Balita

Carillo: Water impounding facility kinahanglang hingusgan

Thea Sophia M. Disabelle - Banat

CEBU, Philippines — Giduso ni Atty. Gerardo Carillo, city disaster council chairperson ang paghingusog sa pagpatuman sa  ordinansa kabahin sa water impounding system sa mga publiko ug pribado nga establisemento aron mamenosan ang mga pagbaha diha sa nagkadaiyang dapit sa Dakbayan sa Sugbo.

Base sa gipahigayon nga Open Line news media forum sa MyTV kagahapon gisubli ni Carillo ang kabahin sa paghimo og water impounding system sa matag establisamento sa siyudad ug kini magsugod sa mga tunghaan, government buildings ug private buildings.

Nasayran nga 80 porsyento sa tanang mga estruktura sa siyudad ang wala motuman sa ordinansa kabahin niini.

Matud ni Carillo nga buhatan og impounding area ang mga dapit nga bahaon ug ang makuha nga tubig niini ibaligya sa Metropolitan Cebu Water District (MCWD).

Si Carillo nagkanayon nga ang mga residente diha dapit sa mga sapa nakatampo kini sa pagbara sa agianan sa tubig tungod kay gihimo nilang labayan og basura ang sap.

Giklaro ni Carillo nga ang maong sitwasyon dili lang sa siyudad nahitabo lakip na ngadto sa ubang bahin sa Metro Cebu.

Subay niini, si Atty. Rose-Liza Osorio, Oceana legal and policy director nagkanayon nga siya ug ang ilang vice president sa Oceana naimbitar sa gipahigayon nga River Summit ug ilang nasayran ang kabahin sa kahugaw ug ka-polluted sa mga sapa sa Sugbo.

Giawhag ni Osorio ang katawhan nga moapil sa mga decision-making process aron ma-revive ang mga sapa ug bisan sa mga baybayon.

Matud ni Osorio nga ang kinahanglan nga mga lakang mao ang pagdili sa single-use plastics, pagsiguro nga limpiyo ang tubig sa mga sapa, adunay water treatment facility, ug padayon sa pag-lobby alang sa mga balaod sa kinaiyahan. Ang water impounding system makapamenos sa baha ug kun daghan ang ma-harvest nga tubig, nagpasabot kini nga mas ubos unya ang presyo tubig. BDB (BANATNEWS)

SUGBO

Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with