Mga dancing inmate sa CPDRC subling ilusad

CEBU, Philippines — Nag-andam na ang dancing inmates sa Cebu Provincial Detention and Rehabilitation Center (CPDRC) alang sa presentasyon karong semanaha.

Kini gumikan kay karong Agosto 12, 2022 gikatakda nga mopahigayon og re-launching sa CPDRC dancing inmates subay sa usa ka bulan nga selebrasyon sa ika-453rd  nga kasumaran sa Probinsiya sa Sugbo.

Ang mga inmate gitudloan kini karon sa usa ka Cebuano choreographer nga si Ed Hayco.

“I would like to thank Ed Hayco for embracing this program and selflessly helping in coming up with new dance routines”, matud ni Gobernador Gwendolyn Garcia.

Ang CPDRC dancing inmates unang nikuha sa atensiyon dili lang sa lokal lakip na sa international limelight human ang ilang video diin nisayaw sila og “thriller” ni kanhi pop star Michael Jackson gi-upload sa Youtube.

Sukad kaniadto adunay regular nga pagbisita sa mga turista diha sa provincial jail  diin mosayaw ang mga inmates. BDB (BANATNEWS)