Nitubag sa cellphone gipaulana’g bala patay

CEBU, Philippines — Patay ang usa ka 23 anyos nga lalaki nga gipusil sa riding in tandem ala 1:30 ang takna sa Biyernes sa kaadlawon sa Sitio Looc, Barangay Tayud sa Lungsod sa Consolacion Si Police Lieutenant Colonel Danilo Colipano, hepe sa Consolacion Police Station miila sa biktima nga mao si Mike Francis Rosel Cena, nagpuyo sa maong dapit. Sa imbestigasyon sa kapulisan, nagtubag sa cellphone ang biktima sa dihang nangabot ang duha ka wala mailhing mga lalaking nagsakay og motorsiklo ug ang back rider mipusil kaniya sa makadaghang higayon.

Dali nga gidala sa mga sakop sa pamilya ang biktima ngadto sa Eversely Child Sanitarium General Hospital sa Barangay Jagobiao sa Siyudad sa Mandaue apan gideklarar Kini sa mga doktor nga dead on arrival.

Padayon pang nagimbestigar ang kapolisan kun kinsa ang mga mamumuno ug motibo sa maong krimen. —/IBM (BANAT NEWS)