Kapolisan niumol og pamaagi batok sa bomb threat
CEBU, Philippines — Ang kapolisan adunay giumol karon nga mga pamaagi uban sa anti-cybercrime group aron mahunong na unya ang mga hulga sa pagpamomba.
Kini ang gibutyag ni si Police Lieutenant ColonelJanette Rafter, deputy director for operation sa Cebu City Police Office.
Matud ni Rafter nga nagkatigom sila uban sa local government unit nga gipangulohan ni Acting Mayor Donaldo Hontiveros, ACG ug anaa sila’y mga lakang nga gihimo alang sa mga nahitabo nga bomb threat sa dakbayan.
Gibutyag ni Rafter nga aduna sila’y mga maayong lakang nga subayon aron maila unya nila ang mga nihimo sa maong pagpanghulga.
Matud usab ni Rafter nga aduna na sila’y gihimo karon nga mga development uban sa ACG.
Si Rafter nagkanayon nga dili man paspas ang ilang lakang nga gihimo tungod sa daghang hagit ilabi na sa pag-trace sa mga sim card nga dali mapalit ug dali ra usab malabay ug adunay uban gamit sa pagpanghulga ang landline.
Dugang ni Rafter nga sa nanglabay nga bomb scare aduna na sila’y development niini ug mapaabot usab unya nila ang pagpasang-at og tukma nga kaso sa mga nalambigit niini. —BDB (BANATNEWS)
- Latest
