^
Magsuong vendors gitabangan og kulata sa task force?
Sila si Jaydel, 33-anyos ug Baby Jene Auditor, 34, residente sa Barangay Dumlog ug Tapul parehong mamaligyaay og prutas diha sa kilid sa karsada gamit ang ilang traysikad.
STAR/File

Magsuong vendors gitabangan og kulata sa task force?

Gabriel C. Bonjoc (Banat) - February 24, 2021 - 12:00am

CEBU, Philippines — Magsuon nga mamaligyaay og prutas diha sa Barangay Poblacion, Dakbayan sa Talisay nipasangil sa mga sakop sa task force sa siyudad nga gitabangan sila og kulata niadtong Lunes sa hapon diha sa nahisgutang lugar.

Sila si Jaydel, 33-anyos ug Baby Jene Auditor, 34, residente sa Barangay Dumlog ug Tapul parehong mamaligyaay og prutas diha sa kilid sa karsada gamit ang ilang traysikad.

Ang mga biktima nagkanayon nga niadtong higayona diha sila sa daplin sa karsada sa Barangay Poblacion dihang naabot ang task force ug giingong gideretso sa pagsakwat ang ilang traysikad.

Ang mga biktima nakalitan kini ug nihangyo nga unta sila pasayloon lang una ug mobiya dayon sila sa lugar.

Si Jaydel nipasangil nga gikalitan siya og sukmag sa usa sa mga sakop sa task force hinungdan nga nahitabo ang lamok-lamok.

Matud sa mga biktima nga mga 12 ka sakop sa task force ang nitabang sa pagkulata kanila.

Samtang si Edwin Nierves, pangulo sa task force nagkanayon nga nagsige na sila og badlong sa manindahay nga gidili na kini sa daplin sa karsada.

Matud ni Nierves nga mopahigayon siya og imbestigasyon sa maong insidente base sa reklamo sa mga biktima.

Samtang si Police Lieutenant Colonel Gerard Ace Pelare, hepe sa Talisay City Police Station nagkanayon nga mahimong mopasak og kaso ang mga biktima batok sa mga suspetsado.

Dugang ni Pelare nga slight physical injury ang posibleng mapasaka nga kaso batok sa mga sakop sa task force nga giingong nangulata sa mga biktima. BDB (BANATNEWS)

TALISAY
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with