^
Kapolisan, sibilyan gipasidan-ang dili magpabuto og armas
“The same gihapon no, bisan pa og kinsa especially ang uniformed personnel gidili gyud ang pagpabuto og armas,” sumala pang Police Lt. Colonel Wilbert Parilla, CCPO deputy director for operations.
STAR/File

Kapolisan, sibilyan gipasidan-ang dili magpabuto og armas

Iris Mercado (Banat) - December 29, 2020 - 12:00am

CEBU, Philippines — Gipasidan-an sa Cebu City Police Office (CCPO) ang mga sakop niini nga dili gyud magpabuto og armas kun dunay mga okasyon o selebrasyon.

Ang pasidaan gipagawas human dunay usa ka sundalo ang gidakop tungod sa pagpabuto og armas atol sa pagsugat sa Pasko.

“The same gihapon no, bisan pa og kinsa especially ang uniformed personnel gidili gyud ang pagpabuto og armas,” sumala pang Police Lt. Colonel Wilbert Parilla, CCPO deputy director for operations.

Mao sab kini ang iyang pasidaan sa mga sibilyan nga nagtinil og lisensyadong armas ug giawhag niya ang publiko pagsumbong kun dunay mahibaw-ang silingan nga nagpabuto og armas.

Nigawas sa imbestigasyon sa kapolisan nga nakainom ug hubog ang maong sundalo atol sa hitabo.

“Mura og nakainom siya seguro, or gusto gyud siya magpabuto,” matud ni Parilla. Si Parilla miingon nga ang Armed Forces of the Philippines na maoy bahala sa pagpasaka og kasong administratiba batok sa ilang sakop apan ang kapolisan mopasaka kaniya og laing kaso tungod sa indiscriminate firing.

Sa laing bahin, malinawon ug hapsay bisan paman sa maong insidente ang pagselebrar sa Cebu City sa Pasko nga diin apil sa ilang gipanid-an ang paggamit og pabuto sa mga tawo nianang adlawa.

“So far sa atong pagsaulog sa kapaskuhan,duna lang tay natala na usa ka krimen, physical injury, so in general,hapsay ug malinawon atong selebrasyon sa kapaskuhan,” matud niini.

“Sa atong record, walay natala nga report nga dunay nabuthan sa atoa katong December 25. First time ni sa Cebu City nga walay nahitabo nga (firecracker-related incident) although basin ug naay uban, but sa police wala tay natala,”dugang pa niya.

Giangkon hinuon ni Parilla nga ang mga gipatumang restriksyon dala aning pandemiya sa Covid-19 dako og natampo sa pagmentinar sa kahapsay ug kalinaw atol sa selebrasyon.

“Siguro lisod sad kaayo atong katawhan na instead gamiton nalang nila sa ilang daily needs kaysa mopalit pa sila og mga pabuto,”matud pa niya.

Giawhag na sab nila ang mga barangay pagtudlo og firecracker zones sa ilang barangay aron didto lang gyud magusa pagpabuto ang mga tawo ug dili bisag asa aron way mabuthan.— IBM (BANATNEWS)

GUNS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with