P370 mil marijuana nasakmit

CEBU, Philippines — Nasakmit sa kapolisan ang mokabat sa P370 mil  nga kantidad sa pinaugang dahon sa marijuana sa buy buy bust operation sa kapolisan sa Mandaue City Police Office (MCPO) diha sa Barangay Subangdaku sa miaging gabii. Si Police Lieutenant Troy John Lalamunan, hepe sa City Intelligence Branch sa MCPO miila sa dinakpan nga mao si Niel  delos Reyes, 2, taga Lungsod sa Minglanilla.

Matud pa ni Lalamunan dunay nitug-an kanila bahin sa pagpamaligya og illegal nga druga sa suspek maong gihimo nila ang operasyon. Laing nadakpan sa Barangay Canamocan 2  sa Lungsod sa Compostela  ang us aka Arnold Cuesta, 58, nga napriso nasab kaniadto tungod sa illegal nga drugas matud pang Police Major  Vincent  Zozobrado, hepe sa Compostela Police Station.

Giingong lima pa ka bulan ang nakalabay sukad sa iyang paggawas mibalik gihapon kini sa maong ilegal nga kalihokan.

Nasakmit sa kapolisan gikan kang Cuesta ang duha ka paketeng gidudahang shabu ug mga drug paraphernalia  ug kalibre .38  nga adunay sulod mga bala. /IBM (BANATNEWS)