Polis nakaligis og iro angol

CEBU, Philippines — Naangol ang usa ka polis human ang giluwanan niyang motorsiklo kalit lang nakaligis og iro sa national highway sa Lungsod sa Tuburan hinungdan sa iyang pagkalamba.

Si Police Corporal Ervin Sapio sa Tuburan Police Station nagkanayon nga ang ilang kauban nga si Police Corporal Charlie Bonghanoy ang padulong sa iyang duty sa ilang border control checkpoint sa Barangay Potat alas 8 sa niaging gabii.

Dugang pa niya nga samtang nagdagan ang motorsiklo, kalit lang usab nga nilabang sa dalan ang libud-suroy nga iro ug naligsan hinungdan sa iyang pagkalamba. Dali nga gihatud sa tambalanan si Bonghanoy tungod sa naangkon nga daghang pangos ug bun-og sa iyang kalawasan apan giingong luwas na kini sa kuyaw nga kahimtang. /GMR (BANATNEWS)