Way puas dinakpanay sa mga pusher sa Talisay
Niña Chrismae G. Sumacot and Christopher Gabriel C. Bonjoc (Banat) - January 25, 2020 - 12:00am

CEBU, Philippines — Laing dinaghan nga dakop labot sa ginadiling drugas ang gihimo sa kapolisan sa Dakbayan sa Talisay sa managlahing barangay kagahapon.

Ang operasyon gihimo sa Talisay City Police Station, Regional Mobile Force Batallion ug Highway Patrol Group sugod sa petsa 23 sa gabii hangtud kagahapon sa buntag.

Niabot sa 27 ka durugista ang nadakpan samtang 13 niini ang naila nga high-value individual.

Ang operasyon gihimo sa Barangay Tangke, Lawaan 3 ug Lagtang diin usa sa mga HVI mao ang lakip sa pamilyang naa na sa bilanggoan gumikan sa ilegal nga kalihukan.

Apan kini nihimakak ug nipadayag nga lahi siya sa iyang mga kaliwat.

Ang kinatibuk-ang shabu nga nasakmit nibalor og P700,000 samtang duha ka armas ang nasakmit.

Si Police Colonel Roderick Mariano, direktor sa Cebu Provincial Police Office, ug Mayor Gerald Anthony “Samsam” Gullas Jr. nisusi sa mga nasikop.

Matud ni Mariano nga nakig-alayon sila sa kapolisan sa Siyudad sa Sugbo aron makakuha og laing dagkung player sa ginadiling drugas.

Si Gullas nipadayag nga mas doblehon pa niya ang tabang sa kapolisan ilabi na ang paghingusog sa hepe nga si Police Major Gerard Ace Pelare sa pakigbatok sa kriminalidad.

Niining buwana niabot na sa P9 milyones ang shabu nga nasakmit gikan sa mga ilegalista.

Nunot niini 30 ka polis ang gidugang sa kapolisan sa dakbayan aron makatabang sa kampanya batok sa ginadiling drugas. Ang Police Regional Office 7 nihatag sa dugang 30 ka polis gikan sa RMFB.

Matud ni Pelare nga gitagana ang bag-ong mga polis nga maghimo sa 24-oras nga checkpoint sa entrance ug exit sa Barangay San Roque ug Tangke.

Ang duha ka barangay nga managsilingan diin daghan sab ang mamaligyaay og ilegal nga drugas.

Si Mariano ug Gullas personal nga niobserbar sa gihimo nga checkpoint nga gitawag og static checkpoint.

Mao kini ang tubag sa hagit ni Presidente Rodrigo Duterte nga minusan pa gyud ang problema sa ilegal nga drugas.

Sa unang adlaw nga static checkpoint, unom dayon ka motorsiklo ang na-impound samtang naka-isyu og 26 ka Temporary Operators Permit (TOP) sa nagkalain-laing kalapasan. –/GMR (BANAT NEWS)

DROGA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with