Paggamit og plastik idili na sa Bantayan

Cebu, Philippines- Ang Lungsod sa Bantayan nipahigayon sa “Balik Basket Awareness Campaign” diin gidili na ang paggamit sa mga single-used plastics sa maong lungsod.

Si Konsehal Markham Ybañez Mansueto sa lungsod sa Bantayan ang niduso og ordinansahon sa pagdili na sa paggamit sa single-use plastics sa maong lungsod ug sa paglusad sa Balik Basket Program.

Si Mansueto nipadayag sa iyang kahangop tungod kay ang mayor ug mga kauban niyang konsehal ang nisuporta sa maong programa.

Matud ni Mansueto nga ang maong proyekto maka-generate usab kini og trabaho sa mga Bantayanon tungod kay ang mga basket nga gamiton unya sa mga tawo mapalit ug makuha ra ang mga supply diha sa Bantayan.

Daghang Bantayanon ang tiggama og mga basket tungod kay ang materiyales sa paghimo niini makuha ra usab diha sa lungsod.

Ang kagamhanan sa Bantayan nagpahigayon kini og awareness parade alang sa maong proyekto.

Ang maong ordinansahon napasar na kini sa unang pagbasa ug gikatakdang isunod na ang public hearing aron mapalabang na kini sa ikaduha ug pinal nga pagbasa.  Si Mansueto nanghinaot nga ang mao nilang lakang i-adopt sa mga kasikbit nilang lungsod sa Santa Fe ug Madridejos.