Ahong di magpaapekto sa kaso
CEBU, Philippines – Gipasalig ni Lapu-Lapu City Mayor Junard “Ahong” Chan nga dili makaapekto sa iyang panerbisyo ang gipasakang kaso sa mga barangay kapitan batok kaniya sa Ombudsman-Visayas.
Matud niya nga andam niyang atubangon ang maong kaso labot sa paghingilin kang Kongresista Paz Radaza gikan sa buhatan niini sulod sa City Hall.
Ang 28 sa 30 ka kapitan nga gipangulohan ni Association of Barangay Councils Federation president Eduardo Cuizon ang nipasaka og reklamo sa buhatan sa Ombudsman apan dunay tulo nga wala nakapirma sa reklamo.
Matud ni Chan nga andam na ang iyang mga abogado sa pagtubag sa maong reklamo.
Apan siya nasagmuyo sa gihimo sa mga barangay kapitan sanglit daghan pang mga problema nga angayan hatagan og pagtagad kaysa pamolitika.
Gitataw ni Chan nga ang iyang paghatag og serbisyo sa kabarangayan walay bulok sa pamolitika.
Ang mga kapitan nipadayag nga ang kongresista ang usa sa ilang dangpan sa ilang mga problema sukad pa kaniadto sa panahon ni kanhi kongresista Arturo Radaza ug sa anak niini nga si kanhi kongresista Aileen Radaza.
Giinsister ni Kong. Radaza nga dunay ordinansa ang iyang pag-okupar sa City Hall. (/GMR)(BANAT NEWS)
- Latest
