Puya gilabay daplin sa dalan

CEBU, Philippines – Patay nga puya nga giputos og panapton sulod sa shopping bag ang napalgan alas 6 pasado niadtong Miyerkules buntag daplin sa dalan sa Sitio Riles, Basak, Dakbayan sa Mandaue.

Usa ka senior citizen ang nakakita sa puya ug maoy nitaho sa buhatan sa kapolisan.

Si Patrolman Elmer Gonzales sa Presinto 3 sa Mandaue City Police Office niingon nga hayan anaa lang sa duol nagpuyo ang inahan sa puya nga lalaki nga gibanabana nga anaa na sa walo ngadto sa siyam ka buwan nga gisabak.

Gidala sa simbahan sa Archdiocesan Shrine of Our Lady of Fatima sa Basak ang puya ug gipabinditahan sa pari una gilubong sa sam-ang sa Pagsabungan. (Rowena D. Capistrano/GMR)(BANAT NEWS)