Si Police Colonel Gemma Vinluan, direktor sa Cebu City Police Office miingon nga angay mopakita og labok ang kapulisan human nga dul-an P9 milyones nga gidudahang shabu ang nasakmit sa Guadalupe Police Station, niadtong miaging adlaw.
File
P1 bilyon shabu hagit ni Vinluan
Mae Clydyl Avila (Banat) - July 19, 2019 - 12:00am

CEBU, Philippines – Gihagit sa hepe sa kapulisan sa siyudad sa Sugbu ang mga sakop niini nga makakuha og usa ka bilyon ka pesos nga balor sa ginadiling druga sulod lang sa usa ka tuig.

Si Police Colonel Gemma Vinluan, direktor sa Cebu City Police Office miingon nga angay mopakita og labok ang kapulisan human nga dul-an P9 milyones nga gidudahang shabu ang nasakmit sa Guadalupe Police Station, niadtong miaging adlaw. 

Si Vinluan kinsa usa pa ka semana nilingkod sa CCPO miingon nga dili siya magduha-duha sa pagparelibo sa mga hepe nga walay agi. Midungag siya nga mas pilion pa niya ang gagmayg ranggo nga mangulo sa mga police station basta motrabaho kung itandi sa tag-as og ranggo nga nagmika sa trabaho.

“Actually ang target natin ay goal lang naman we do not say na whether we like it or not kailangan natin to mayron lang tayong goal na tinitingnan,” si Vinluan mipasabot.

Mahinumdoman nga ang retiradong director sa CCPO nga si kanhi Col. Royina Garma  nakasakmit og dul-an sa P700 milyones nga illegal nga drugas sud sa dul-an usa ka tuig niya nga paglingkod. Si Garma ang gipulihan ni Vinluan. Sa operasyon sa kapolisan Mambaling niadtong Miyerkules nasikop ang tulo ka gidudahang durugista diha sa Sitio Naba, Alaska Brgy. Mambaling, Dakbayan sa Sugbo.

Giila ang tulo mao ang 19 anyos nga si Cenin Cabucal Cabiso alyas “Cenin”, 27 anyos nga si Abundio Sumayang Alegarme, ug usa ka menor nga edad nga lalaki nga puros lumolupyo sa maong lugar.  Nakuha sa kapolisan ang usa ka pitaka nga adunay sulod nga 21 ka paketeng shabu nga motimbang og 118 gramos  ug nibalor ngadto sa P80 mil base sa Dangerous Drug Board Value ug buybust money. Sa pikas bahin, sa Dakbayan sa Lapu-Lapu nadakpan ang napulo ka mga gipasanginlang drug pushers sa buy bust operation ug nasakmit ang kapin sa P100 mil nga gidudahang shabu sa managlahing operasyon. Sa Sitio Kagudoy,  Barangay Basak  ang grupo sa Presinto 4 pinangulohan ni Police Major Juan Capacio nidakop kang Gino Baguio, 29, kinsa nakuhaan og 11 ka gagmay nga pakete ug buy bust money nga P500.

Sa Sitio San Vicente sa mao gihapong barangay nadakpan si James Ybañez, 38, nga nakuhaan sab og siyam ka gagmay nga paketeng shabu. Samtang ang team sa City Intelligence Branch  (CIB)  sa LLCPO nga gipangulohan ni Police Major  Jaime Tolentino nagpahigayon og buy bust operation sa Saac, Barangay Buaya ug nasikop ang managkapuyo nga sila si  Jesus Casinillo, 33, ug Cristine Claros, 33. Ang duha nakuhaan og 12 ka gagmay nga pakete nga gidudahang shabu.

Nadakpan sab si  Rustom  Santillan, 38, ug Lusito  Palao, 54, sa Barangay Bankal ug nakuhaan sab og pinaketeng gidudahang shabu.

Samtang nadakpan sa Barangay Canjulao si Jayson Castro (dili ang PBA player), 30, nga nakuhaag walo ka pakete ug usa ka medium size nga gidudahang shabu. Nadakpan sab sila si  Ricardo Dapyo, 38,  Vicente Arnejo,  47, nga nakuhaan og 11 ka gamay nga pakete ug usa ka medium size nga shabu.  Dugang nadakpan mao sila si  Jenifer Dingson, 28,   Dane Esparcia, 43, Clark Laride, 30, nga nakuhaan sab og gidudahang shabu. (Rowena Capistrano ug report ni Jenny Luz R. Tejas/IBM)(BANAT NEWS)

 

DRUGS
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with