Tanang barangay hatagan og sakyanan
Decemay P. Padilla (Banat) - June 16, 2019 - 12:00am

CEBU, Philippines — Gipaabot nga i-donate sa kagamhanan sa Siyudad sa Sugbo ang 70 ka mga sakyanan sa nagkalain-lain barangay human ang City Council mipalabang og resolusyon nga nagtugot kang outgoing Mayor Tomas Osmeña nga mopirma sa deed of donation and acceptance tali sa barangay officials.

Sa laing resolusyon, si Konsehal Sisinio Andales misugyot sa donasyon sa 55 ka mga sakyanan ngadto sa 30 ka barangay samtang si Konsehal Eugenio Gabuya Jr. ni-proposed sab sa donasyon sa 15 ka mga sakyanan ngadto sa walo ka barangay.

Sukad niadtong piniliay, ang konseho nga gidominar sa Bando Osmeña Pundok Kauswagan (BOPK) mihimo sa donasyon sa mga city-owned vehicles sa nagkadaiyang barangay aron ilang mapanag-iya ang maong mga sakyanan nga gigamit nila sulod sa pila na ka tuig.

Sa iyang bahin, si Mayor-elect Edgardo Labella miingon nga tan-awon niya ang tanang donated vehicles ug susihon kon usan nga mga barangay ang wala makadawat.

Gitataw niini nga dili niya igsapayan kon ang outgoing administration nipatuman sa iyang sugyot atol sa campaign period nga i-donate ang mga sakyanan.

Giklaro sab ni Labella nga walay pilion sa pahatag og mga sakyanan sa 80 ka barangay, kaalyado man o dili.

Dugang niya, paniguraduhon niini nga adunay transfer of ownership sa mga donated vehicles kon moasumir na siya sa katungdanan.

Niadtong Martes, ang konseho sa siyudad, ni-aprubar sa 39 ka mga resolusyon.

Ang donasyon sa mga city-owned vehicles nagpasabot nga ang mga barangay maoy moabaga sa pagpaayo, maintenance ug fuel allocation.

Apan si Labella miasoy nga iyang tan-awon kon unsaon nga makatabang ang siyudad sa mga barangay nga dili makahimo sa pagmentinar sa mga sakyanan. (/DILT)(BANATNEWS)

SAKYANAN
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with