Gipahibawo sa pamilyang Radaza kauban sa ilang abogado nga si Atty. Zandro Ronnie Oriol ug mga supporters ang ilang pagsang-at og protesta batok sa ilang kaatbang nga gipangulohan ni mayor-elect Junard “Ahong” Chan.
Joy G. Torrejos
Radaza mo-protesta
Le Phyllis F. Antojado (Banat) - May 25, 2019 - 12:00am

CEBU, Philippines – Hingpit nga gipasaka didto sa Commission on Elections  (Comelec)  Central Office ang protesta ni kanhi kongresista Arturo Radaza nga naparot sa pagka-mayor sa Lapu-Lapu City ni Pajo Barangay Captain ug mayor- elect Junard “Ahong” Chan sa miaging Mayo 13, 2019 midterm elections.

Si Radaza sa press conference kagahapon miingon nga di unta siya mosang-at og protesta apan ang iyang mga dumadapig maoy nangombinsir kaniya sa paghimo sa maong lakang aron molutaw ang kamatuoran.

Matud niya, di kadawat ang iyang mga dumadapig sa iyang kaparotan kang Chan mao nga nag-amotay sila og salapi aron bayad sa pagsang-at sa ilang protesta ngadto sa Comelec sa kaulohan. Ang abogado  sa Team Deretso nga si Atty.  Sandro Ronnie Oriol sa iyang pamahayag miingon nga ilang giapas ang deadline sa mga buot mopasaka og protesta sa resulta sa miaging piniliay.

Matud ni Oriol ang ilang sukaranan sa protesta ang pagkawagtang sa 84 ka clustered precinct nga base sa ilang nakuha nga resulta ilang nasuta nga adunay 19,713 ka mga boto nga wala maapil sa pag-ihap.

Dugang pa ni Oriol nga lakip usab sa ilang gibasehan sa ilang protesta ang pag-malfunction sa vote counting machines kay duna silay ebidensya nga si Radaza ang gibotaran sa pagkamayor ug si  Harry  Radaza ang gibotohan nga bise mayor apan ang nigawas nga resibo, si Ahong pagkamayor ug Sitoy (Celedonio) sa pagka bise mayor ang nigawas.

Si Oriol miingon nga gawas sa maong mga ebidensiya nga adunay 46 usab ka tawo nga miluwat og pinirmahang pamahayag isip mga saksi nga maoy mopalig-on sa gi-file nilang protesta. Hinuon si Chan nga nahinabi sa Banat News miingon nga katungod sa iyang kaatbang pagpasaka og protesta apan iyang gitataw nga ang mga Oponganon mipadayag na sa miaging piniliay kay gusto na nila og kausaban hinungdan nga iyang naangkon ang kadaugan.

Matud niya, mas maayo unta kun modawat nalang sa kapildihan ang mga nangaparot aron matagamtaman sa mga taga Opon ang kalamboan ug kausaban Si Presidential Legislative Liaison Secretary Adelino Sitoy sa pakighinabi sa Banat News sa telepono miingon nga mas maayong moprotesta si Radaza aron makaduso sab ang kampo ni Chan og counter-protest.

Sumala pa ni Sitoy, kinsa maguwang ni vice mayor-elect Celedonio Sitoy nga pinaagi sa ilang counter-protest makita usab kun giunsa pagkahitabo nga mayoriya sa mga konsehal sa grupo ni Radaza ang nakadaog samtang duha lang sa kampo ni Chan.

Matud pang Sitoy, sa survey adunay 40 mil ngadto sa 50 mil ka mga nisuporta kang Chan ug Sitoy, apan nahibulong sila nga ang labaw ni Chan miabot lang og 20 mil. Siya midugang nga sa pagsugod palang sa pag-ihapay sa botos dunay unom ka mga konsehales ni Chan nga nag-una apan sa pagkahuman sa pag-ihap duha nalang ang nakalusot.

Nagtuo siya nga pinaagi sa labaw nilang Chan ug Sitoy madala usab niadto ang mga konsehal.

Base sa resulta , si Chan nakakuha og 85,976 ka botos batok ni Radaza nga 66,108 ka botos.

Nagtuo si Sitoy nga nabag-ohan ra si Radaza sa unang kapildihan niini sa eleksyon. “Danag. Naglibog na siya kun giunsa siya pagkastigo sa mga tawo. Klaro kaayo ang reaksyon sa mga tawo diha sa mga rallies ug pulong-pulong,” matud pa sa kalihim. (Romeo T. Limpangog/IBM)

Turnover, inaugural session sa Kapitoyo giandam

Ipahigayon sa 14th Sangguniang Panlalawigan (SP) ang katapusan nga regular session karong Hunyo 24 diin himoon ang recognition rites sa mga outgoing nga mga sakop.

Ang SP sa Sugbo adunay lima ka sakop nga mohawa na apil na niini si Bise Gobernador Agnes Magpale, Bokal Alex Binghay, Bokal Sun Shimura, Bokal Jude Thaddeus Sybico ug Bokal Glen Bercede.

Matud ni Ainjeliz Dela Torre – Orong, provincial information officer, nga gipaabot nga ipresentar sa maong kalihukan ang kalampusan sa 14th SP diin imbitado usab ang mga incoming SP members apil na si Vice Governor-elect Hilario Davide III. Hunyo 28 si Davide na sab ang mo-turnover sa administrasyon sa Kapitolyo ngadto kang Governor-elect Gwendolyn Garcia. Sumala pa ni Orong nga napahibalo na daan ang legal counsel ni Garcia kalabot sa maong turnover atol sa pagbisita niini sa buhatan sa gobernador niadtong Lunes apan mopadala gihapon og pormal nga sulat ang Kapitolyo.

Samtang  sa Hulyo 1, maoy labing unang regular session sa 15th SP diin adunay inaugural session nga ipahigayon ug adunay himoon nga programa. Imbitado niini si Garcia diin maghatag usab ang incoming governor sa iyang mensahe. (Le Phyllis F. Antojado/GMR)

Residente nikiha batok Gica, kaubanan

Gireklamo og kasong kriminal ug administratiba si Dumanjug Mayor Efren Guntrano “Gun-gun” Gica ug kaubanan sa Office of the Ombudsman-Visayas.

Kasong serious physical injury, serious illegal detention, grave coercion, planting of evidence ug kalapasan sa election gun ban maoy gireklamo batok ni Gica ug iyang igsoon nga si Konsehal Erwin “Wado” Gica, usa ka Gino Do ug Darwin Castro.

Usa ka Hector Rabor Quirante nga taga Barangay Ilaya sa Dumanjug ang reklamante.

Si Quirante nipasangil nga pasado alas 10 sa buntag niadtong Mayo 11, padulong siya sa balay sa usa ka Conde sa Barangay Kantangkas sa Dumanjug samtang kuyog kaniya ang usa ka Leah Asentista, supporter ni Konsehal Cesar Baricuatro kinsa niatbang kang Gica sa pagka-mayor.

Saysay ni Quirante nga sa dihang nakalabay siya sa balay sa kapitan sa Barangay Kantangkas, adunay sakyanan nga nibusina niya ug ni-overtake ug dayon gipahunong siya. Matud ni Quirante nga iyang nakita si Wado nga ninaug sa sakyanan ug nition sa armas ngadto kaniya.

“He then approached me and suddenly hit me in the mouth area causing one of my front tooth to fall and another front tooth to crack. He then kicked me twice and punch me in the stomach,” asoy ni Quirante

Dugang niya nga gipasakay siya sa sakyanan ug gidala sa headquarters sa mga Gica ug pag-abot didto nakit-an niya si Gino Do nga nisulti kaniya og “isog ka?” ug dayon nisukmag kaniya diin naigo ang iyang tuo nga mata. Iya usab nakit-an si Gun-gun nga niduol kaniya ug niingon “giingnan tika ayaw pag-apil og politika. Ah! Ikaw, kay gahi ka og ulo, naa ra na nimo.”

Si Quirante gi-hire isip tighatud og mga pagkaon, supplies ug mga personnel sa political party ni Baricuatro.

Matud ni Quirante nga nakakita siya sa usa ka tawo nga naglimpyo og armas ug gipapugos siya og gunit niini bisan pa man nga giposasan na siya sa likod.

Dayun siya gipasakay sa sakyanan ug gipagunit sa armas nga maoy gigamit nga “planted evidence” batok kaniya. Anaa sa sakyanan si Do, Wado ug Castro nga maoy driver. Gidala si Quirante sa Dumanjug Police Station ug iyang nadunggan sila nga niingon nga “citizen’s arrest”. Gidala siya sa Barili District hospital.

Matud ni Quirante nga gipriso siya sa police station sa Dumanjug hangtud Mayo 17, 2019 hangtud siya nakapiyansa.

Niadtong Mayo 14, si Wado nikiha kang Quirante og kalapasan sa election gun ban, RA 10591 ug attempted murder. Apan matud ni Quirante nga dili pa kini mao sanglit ang kampo nila ni Gica mao may nikulata ni Quirante. Sa pagsulat niining balita wala pa makuha ang habig ni Gica. (/GMR)(BANAT NEWS)

RADAZA
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with