CPADAO mo-validate sa 200 ka barangay
May B. Miasco (Banat) - May 19, 2019 - 12:00am

CEBU, Philippines — Ubay-ubay sa 245 ka mga barangay sa Sugbo ang posibleng langkatan sa ilang drug-cleared status basi sa labing uwahing pagsusi sa Cebu Provincial Anti-Drug Abuse Office (CPADAO).

Samtang laing 37 ka mga barangay sa lalawigan ang kwalipikado sa onsite validation aron masuta kon malakip ba sila sa listahan sa drug-cleared nga mga barangay.

Ang hepe sa CPADAO nga si Carmen Remedios Durano-Meca miingon nga basi sa ilang timeline, ang drug-clearing reevaluation o revalidation mahuman karong Hunyo 13.

Dugang niya nga aduna pay 18 ka barangay nga nahabilin alang sa himuon nga revalidation.

Giangkon ni Meca nga ubay-ubay gyud ka mga barangay ang posibleng tangtangan og drug cleared status. Apan dili pa kini mahimo niyang ipahibawo kay paabuton pa ang Hunyo 13.

Ang revalidation process regular nga himuon aron masuta ang mga barangay nga una nang gideklara nga drug cleared kon ila ba kining namentinar o mas napalambo pinaagi sa paghimo og mga anti-drug programs, pagpalig-on sa ilang Barangay Anti-Drug Abuse Office (BADAC) ug uban pa aron mabatukan ang pagkuyanap sa ilegal nga drugas.

Dugang ni Meca nga ang ilang buhatan nakigtambayayong sa Philippine Drug Enforcement Agency sa pagpahigayon og onsite validation ngadto sa mga barangay nga mihangyo og drug-clearing evaluation.

Matud niya nga sa 37 gikan sa 123 ka barangay nga mi-apply maoy nakapasar sa onsite validation.

Nasayran nga ang onsite validation, himuon ngadto sa barangay nga wala pa gyud madeklara nga drug cleared apan buot nga makaangkon sa maong status.

Ang gikinahanglan aron mahimong kwalipikado ang maong barangay mao nga miimplementar og drug treatment ug rehabilitation program, miubos ang ihap sa mga nalambigit sa ilegal nga drugas, wala nay mga drug personalities ug naglihok ang ilang BADAC.

Gibutyag ni Meca sa 37 ka barangay, tulo niini gikan sa Lungsod sa Tabuelan, upat sa Lungsod sa Sogod, siyam gikan sa Lungsod sa Carmen, tulo gikan sa Dakbayan sa Danao, unom sa Lungsod sa Argao, duha sa Lungsod sa Santa Fe, duha sa Lungsod sa Madridejos ug walo gikan sa Lungsod sa Daanbantayan.

Ang Lalawigan sa Sugbo adunay 1,066 ka barangay gikan sa unom ka component cities ug 44 ka munisipalidad, walay labot niini ang independent tri-cities, ang Cebu, Mandaue, ug Lapu-Lapu. (/DILT)(BANATNEWS)

 

CPADAO
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with