P1.7M balor sa butane nasakmit didto sa Consolacion

CEBU, Philippines – Moabot ngadto sa P1.7 million nga balor sa butane ang nasakmit sa usa ka police operation nga gipahigayon sa mga tinugyanan sa CIDG RFU 7 ug Consolacion Police Station uban ang mga tinugyanan sa Department of Energy didto sa Sitio Libo, Barangay Tayud sa Consolacion diin upat ang nadakpan.

Ang nasikop mao sila si Pedrito Octares, 34, residente sa Barangay Santiclan, Danao City, Jerwin Capuli, 29, Elesar Angus, 27, nga taga Barangay  Leyte ug Daniel Calvo, 34.

Ang upat pasakaan og kaso human makalapas sa P.D 1856 o illegal refilling/sale and distribution of liquefied Petroleum Gas.

Ang maong mga dinakpan naaktohan nga nag-refill sa mga bakante nga canister ug nasakmit gikan kanila ang 13,484 ka mga walay sulod nga lata, 1, 358 butane nga adunay sulod, mga tangke sa LPG, mga kompresor ug kagamitan sa pag-refill ug butane ug uban pa.

Ang mga dinakpan nagtingkagol sa CIDG RFU7 samtang naghuwat sa kaso nga ipasaka batok kanila.— Nichole Abas/LPM (BANAT NEWS)