^

Cuenco balik konseho sunod tuig

Decemay P. Padilla (Banat) - December 20, 2018 - 12:00am

CEBU, Philippines – Ang na-dismissed kaniadto nga konsehal sa Siyudad sa Sugbo nga si James Anthony Cuenco nakakuha na sa iyang reinstatement order gikan sa central office sa Department of Interior and Local Government (DILG) aron mo-asumir sa katungdanan.

Sa iyang press conference kagahapon, si Cuenco miingon nga gipahibawo siya nga ang iyang order ipagawas sulod ning semanaha.

“If it comes out today or within the week, since it’s Christmas season, Christmas time na, puros holidays naman after that, the schedule will still remain the same. I will reassume my post in January na”, butyag ni Cuenco.

Kahinumduman nga si Cuenco gitaktak sa katungdanan niadtong October 2017 tungod sa serious dishonesty ug grave misconduct mahitungod sa kalambigitan sa wala paggamit og tarong sa P3.3 million Priority Development Assistance Fund (PDAF) allocation sa iyang amahan nga si kanhi Cebu City South District Congressman Antonio Cuenco.

Subay sa maong dismissal, si Presidente Rodrigo Duterte mitudlo kang Erik Miguel Espina isip hulip kang Cuenco.

Niadtong buwan sa Oktubre ning tuiga ang Court of Appeals mibali sa desisyon sa anti-graft office ug mimando sa DILG nga i-reinstate si Cuenco.

Nunot niini, si Espina mihatag sa iyang resignation epektibo January 1, 2019.

Dunay mga taho nga adunay internal conflict sa opposition group human sa pag-resign ni Espina kinsa una na sab nga mipahibawo sa planong pag-withdraw sa iyang kandidatura.

Apan kagahapon sila si Espina ug Cuenco pulos miklaro nga maayo ang ilang relasyon sa mga sakop sa ilang grupo.

Si Cuenco midugang nga moretiro na siya sa politika.

“Even if there is still a chance to substitute, I wouldn’t. As councilor Erik said, it’s really hard to have a stomach for politics as we both experienced. I’m retiring. All together”, ni Cuenco pa.

Sa iyang bahin, si Espina miingon nga adunay iyang mga ka grupo nga miawhag kaniya nga i-rekonsiderar ang iyang desisyon nga mo-withdraw sa iyang kandidatura.

“The probability is what have been stated. The possibility is in the realm of possibilities. Just give me time. There are certain things I have to consider. You have to have strong stomach for politics”, asoy ni Espina. (/DILT)(BANAT NEWS)

 

CUENCO
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with