Serbidora sa Larsian nga nag-overcharging gitaktak
Lorraine Mitzi A. Ambrad (Banat) - November 13, 2018 - 12:00am

CEBU, Philippines — Usa sa duha ka empleyado sa Larsian nga gireklamong nag overcharging ang gitatak ug gi ban sa maong kan-anan niadtong Domingo sa gabii.

Si Larsian Manager Joey Herrera miingon nga giaprobahan ni Gobernador Hilario Davide III ang maong desisyon bisan pa og dili empleyado sa kapitolyo ang maong babaye.

Matud pa adunay gahum ang Probinsya kay kini man ang tag-iya sa Larsian Foodstrip kung asa nangabang ang amo sa maong empleyado nga gitaktak.

Sumala pa nga angay kining isipon nga leksyon sa uban nga wala magtiaw-tiaw ang Kapitolyo nga ipatarong ang maong establisamento ug mahimo lang kini kon tarongon ang serbisyo ngadto sa mga mangaon sa maong popular nga kan-anan.

Niadtong Domingo, usa ka social media user  ang mi-post ug mireklamo sa gibuhat sa duha ka food server sa Larsian.

Gipasanginlan ang mga tindera nga nag-overcharge human wala kini nakapakita og klarong breakdown sa ilang gikaon. Gidudahan nga gipatongan ang bayranan sa maong customer. Gi-post usab sa maong user ang dagway sa duha ka serbidora.

Midugang si Herrera nga nadismaya siya sa maong nahitabo ilabi na nga bag-o pa lamang nga nag-soft opening ang maong foodstrip human sa dul-an upat ka buwan nga pagpanira alang sa renovation.

“It’s sad that we have such an opportunity to prove that the new Larsian is better... I don’t have to investigate because I knew the person (complainant) and she is credible,” dugang niya.

Aduna na nay bag-ong policies and guidelines apan sa grand opening karong Biyernes, Nobiyembre 16 kin ipatuman.

Apil sa bag-ong polisiya ang pagpamulta og P1,000 sa mga nag-abang og stall nga dili makadisiplina sa ilang mga empleyado nga masakpang mag-overcharge.

Kon buhaton kini sa ikaduhang higayon, pasirad-an og usa ka semana ang stall ug sa ikatulong higayon, i-terminate na sa Kapitolyo ang kontrata sa stall tenant.  “We encourage the public to complain,” sigon ni Herrera.

Dugang niya nga gi-require na nga magbutang og menu list nga adunay presyo sa matag-putahi diha sa lamesa  ug ang mga server magsuot og  uniporme, hairnets, mouth cover ug ID.

Ang mga stall owners kinahanglang motuman sa mando sa City Health Office sa proper food handling ug pag-issue og resibo sa BIR. (BANAT NEWS)

JOEY HERRERA
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with