North bound lane sa Natalio Bacalso ablihan na
Decemay P. Padilla (Banat) - November 13, 2018 - 12:00am

CEBU, Philippines — Makaginhawa unya og gamay ang mga motorista sa South District sa Siyudad sa Sugbo kon ang north ug southbound lanes diha sa Natalio Bacalso Avenue buksan sa publiko karong Nobiyembre 24.

Matud ni Department of Public Works and Highways(DPWH)-7 Project Engineer Roy dela Cruz buksan nila ang isi’g ka kilid aron makatabang nga mamenusan ang kahuot sa dagan sa trapiko sa lugar.

“By November 24 open na both lanes mo-ease na ang traffic however katong diversion roads pwede gihapon maka-access atong mga vehicles nga they are used to also, depending kanang mga peak hours adto sila mogamit,” asoy ni dela Cruz.

Sugod niadtong Agosto 2017 ang publiko nakasinati og kahuot sa dagan sa trapiko sa maong distrito tungod sa gitukod nga P638 million underpass project diha sa lugar.

Tungod niini, ang northbound lane ra maoy giablihan ug kadtong gikan sa habagatan adto moagi sa mga diversion routes sama sa Caimito Street, E. Sabellano Street ug uban pa.

Karong buwana dunay P18 million road widening nga kabahin gihapon sa underpass project nga pagahimuon nga gipundohan sa national government ug naa na sa bidding process.

Ang underpass project 80 porsiyento ng nahuman kay naa na kini sa phase IV nga duol sa usa ka shopping center sa north bound lane sa N. Bacalso Avenue.

Ang underpass project dunay unom ka phases ug sa kasamtangan gitrabaho karon ang phase 5 ug 6.

Gibana-bana nila nga mahuman gyud ang maong proyekto karong Marso 28 sunod tuig. (BANAT NEWS)

NATALIO BACALSO AVENUE
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with