Daghan ang nakuyapan
Camille Pateres (Banat) - November 2, 2018 - 12:00am

CEBU, Philippines — Tungod sa naglagiting nga kainit sa adlaw kagahapon Nobiyembre Uno, ubay-ubay nga mga nanuaw sa nagkadaiyang mga sam-ang ang gitabang sa mga sakop sa emergency services nga nadestino didto.

Kagahapong adlawa,  sumala pa ni Cebu City Councilor Dave Tumulak ang nga miabot ngadto sa 37.5 degree Celsius ang heat index sa Dakbayan sa Sugbo ug 31.5 degree Celsius ang temperatura niini.

Tungod niini, daghan ang nangakuyapan tungod sa kainit sa panahon ilabi na ang mga edaran.

Adunay natala nga mga nawad-an og panimuot nga upat ka tawo gikan sa mga sam-ang sa Pardo, Barrio Luz, Carreta ug Calamba.

Tulo usab ka mga tawo ang gihatagan og medikal nga atensyon tungod sa pagkadakin-as nga usa ka tigulang, adunay bata nga giatake sa iyang epilepsy ug adunay laing bata nga kalit gibati og kalipong.

Samtang sa Dakbayan sa Lapu-Lapu, si Dr. Agnes Cecille Realiza, medical officer sa maong dakbayan nibutyag nga tungod sa grabeng kainit sa panahon aduna silay gitabang ug gidala sa tambalanan nga tulo ka babaye,  sagad kanila aduna nay daang gipamati sa kalawasan.

Giawhag ni Realiza sa publiko nga gustong moduaw karong adlawa sa mga sam-ang nga sigurohon magdala og tubig tungod sa kainit sa panahon ug kung adunay mga gipamati sa kalawasan dili nalang modayon.

Samtang dugang tambag sa mga medical personnel nga mas maayong kadtong mga edaran ug mga masuso dili nalang dad-on ug kadtong mga may gitumar nga maintenance nga tambal mas maayong moinom daan una pa moadto sa ilang destinasyon. - Le Phyllis Antojado ug Romeo Limpangog/IBM (BANATNEWS)

NAKUYAPAN
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with