Barkong nagdala og balas wa palargaha
May Miasco (Banat) - October 16, 2018 - 12:00am

CEBU, Philippines — Mga lokal nga otoridad sa Central Visayas seryoso sa pagpahunong niining ilegal nga pagpangubkob ug paghakot og mga balas, anapog ug uban pang mga mineral nga way mga permiso gikan sa nagkalain-laing mga quarry sites nunot sa mga katalagmang miigo sa mga komunidad tungod sa pagdahili sa yuta.

Sa Talibon, Bohol gisikop sa mga sakop sa Philippine Coast Guard ug mga sakop sa Department of Environment and Natural Resources ang Landing Craft Tank (LCT) Poseidon 30. Ang joint inspection nahitabo niadtong Oktubre 8 sa alas 12 sa udto sa dihang midunggo ang LCT Poseidon 30 sa Talibon Port.

Nagkarga kini og 1,000 cubic meters nga ordinary fine sand nga giingong gikan sa Tagoloan, Misamis Oriental ug nakatakdang ihatod sa Bohol.

Wala kini palargaha human nasakpan sa inspeksyon nga paso na ang transport permit niini nga magdala sa maong mga minerales.

Si Seaman First Class Phillip Michael Tan sa Coast Guard Station (CGS) sa Bohol miingon nga ang lokal nga buhatan sa DENR mihangyo nga dili tugotan makabiya ang maong barko nga gipanag-iya sa Concrete Solutions, Inc. samtang naghimo og imbestigasyon. Wala hinuon dakpa ang kapitan ug ang 17 ka tripulante niini apan gimandoan sila nga anha lang sa ilang barko nga gipadunggo sa Talibon.

Ang DENR-Bohol, pinaagi sa Community Environment and Natural Resources Office mipahibalo sa Mines and Geosciences Bureau sa Rehiyon-7 mahitungod sa ilang nadakpan.

Si Tan nagkanayon nga ang composite team sa coast guard sub-station sa Talibon ug DENR-Bohol miisyu sa vessel operator og violation sa Republic Act 7942 kon Philippine Mining Act sa 1995 sa gikataho nga pagpangawat og raw minerals. (BANAT NEWS)

QUARRY SITES
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with