34 ka parisan sa Dakbayan sa Lapu-Lapu gikasal
Romeo T. Limpangog (Banat) - September 19, 2018 - 12:00am

CEBU, Philippines – Nahingpit na ang kaminyuon sa 34 ka parisan nga magtiayon  human sa ilang pagsalmot sa gipahigayon nga  “Kasalan ng Bayan” nga gipasiugdahan sa kagamhanan sa Dakbayan sa Lapu-Lapu  City Social Welfare and Development Office (CSWDO) sa siyudad.

Si Joseph Namit, head sa Pilipino Pangtawid Pamilya Program (4P’s) sa maong siyudad  nibutyag nga sa sinugdanan maoy ilang natala ang 54 ka managkapuyo  gikan sa 30 ka barangay sa Lapu-Lapu.

Apan 34 lang sa maong gidaghanon ang naapil sa mass wedding tungod kay ang uban wala makaapas sa pagkompleto sa mga rekisitos nga gikinahanglan.

Ang mga naapil sa mass wedding mga beneficiary usab sa 4P’s  kinsa dugay na nga nagpuyo ug wala pa makasal.

Matud ni Namit nga nagpanuigon og 49-anyos ngadto sa 50 -anyos ang nisalmot sa mass wedding ug kapin na sa 20 katuig ang ilang panagtipon ug pipila ka nila aduna na kini mga anak ug mga apo.

Nalakip sa mass wedding mao ang managkapuyo nga Clarisa Flores, 42, ug Arturo Flores, 47, mga residente sa Sitio Suba-Masulog, Barangay Basak, Dakbayan sa Lapu-Lapu.

Ang duha sulod na sa 23 na katuig nga nagpuyo ug aduna silay upat na ka anak ug upat usab ka apo.

Gibutyag sa maong magtiayon nga tungod sa ka apiki sa ilang kwarta hinungdan nga wala sila makapakasal.

Ug tungod sa maong programa sa siyudad nahatagan sila og kahigayonan nga matuman ang ilang pangandoy nga magpakasal. (/BDB)(BANAT NEWS)

 

GIKASAL
Philstar
  • Latest
Latest
Latest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

SIGN IN
or sign in with